Kavo de ostoj
Peștera cu Oase (La Kavo kun ostoj) estas sistemo de 12 koridoraj kavoj kaj karstaj ĉambroj, situa je N. 45° 01’; Or. 21° 50’, en sudokcidenta Rumanio, kie oni trovis la plej malnovajn restaĵojn de homo el Eŭropo.
En 2002 oni trovis la plej antikvajn homajn restojn (Homo sapiens) de Eŭropo en la "Kavo de ostoj" (Peștera cu Oase), ĉe Anina, en la nuna Rumanio. La restoj (makzelo) datiĝas el antaŭ proksimume 42.000 jaroj kaj ricevis la nomon de "Johano de Anina" (Ion din Anina). Kiel la eŭropaj restoj plej antikvaj de Homo sapiens ili povus reprezenti la unuajn homojn, kiuj eniris en la kontinenton. La restoj gravas, ĉar ili prezentas mikson de malnovaj trajtoj, de frumoderna homo kaj de neandertala homo, indikante eblan hibridon inter neandertalulo kaj moderna homo.
