Emily Brontë
Emily Brontë | ||
|---|---|---|
 | ||
| Persona informo | ||
Naskiĝo | 30-an de julio 1818 en Thornton, Yorkshire, Anglio | |
Morto | 19-an de decembro 1848 en Haworth, Yorkshire, Anglio | |
Mortokialo | tuberkulozo [#] | |
Tombo | Okcidenta Jorkŝiro [#] | |
Religio | Anglikanismo [#] | |
Nacieco | anglino | |
Lingvoj | angla lingvo [#] | |
Ŝtataneco | Unuiĝinta Reĝlando de Granda Britio kaj Irlando [#] | |
| Familio | ||
Patro | Patrick Brontë [#] | |
Patrino | Maria Branwell [#] | |
Gefratoj | Branwell Brontë • Charlotte Brontë • Anne Brontë • Elizabeth Brontë • Maria Brontë [#] | |
| Profesio | ||
Pseŭdonimo | Ellis Bell | |
Profesio | verkisto • poeto • romanisto [#] | |
Ĝenroj | fantaziaj rakontoj, romanoj | |
Verkoj | Wuthering Heights | |
[#] | Fonto: Vikidatumoj | |
Emily Jane BRONTË (naskiĝis la 30-an de julio 1818, mortis la 19-an de decembro 1848) estis angla verkistino.
Ŝi naskiĝis en Thorton, Yorkshire kiel filino de pastro kaj pasigis sian junaĝon en la soleca etoso de la pastra domo. Kun siaj du fratinoj Charlotte kaj Anne kaj sia frato Branwell ŝi frue elpensis fantaziajn rakontojn.
En la jaro 1846 la tri fratinoj publikigis la poemaron Poems by Currer, Ellis, and Acton Bell. Timante antaŭjuĝojn ili uzis virajn pseŭdonimojn: Emily, kiu faris la plej grandan kontribuon al tiu ĉi kolekto, aperis kiel "Ellis Bell".
Ŝia ĉefverko, la romano Wuthering Heights, aperis en la jaro 1847. Kvankam ĝi siatempe rikoltis akrajn kritikojn, ĝi ekde la transiro de la 19-a al la 20-a jarcento trovas vastan agnoskon kaj grandan respekton.
Brontë, kies sano estis malfortigita pro prema familia vivo, mortis en 1848 en Haworth, Yorkshire.
En Esperanto aperis |
Al la imago <poemo> ; Diru, diru <poemo> ;
Memoremo <poemo> / Emily Brontë. -
En: Angla antologio ; p.107 - 110, vol. 2
- Wikisource
Vidu ankaŭ |
- 39428 Emilybrontë
Eksteraj ligiloj |
- Bronte Sisters Links
- BrontëBlog
