Basse-Allaine
| Basse-Allaine | |
|---|---|
 Blazono de Basse-Allaine | |
| Kantono | Ĵuraso |
| Distrikto | Porrentruy |
Koordinatoj | 47°24′35″N 7°2′50″O / 47.40972°N, 7.04722°O / 47.40972; 7.04722 (Basse-Allaine)Koordinatoj: 47°24′35″N 7°2′50″O / 47.40972°N, 7.04722°O / 47.40972; 7.04722 (Basse-Allaine) |
| Nombro de enloĝantoj | 1324 |
| Areo | 22,97 km² |
| Alteco | 398 m super marnivelo |
| Poŝtkodo | 2923 |
| Komunumkodo | 6807 |
 Mapo de Basse-Allaine | |
Enhavo
1 Pri la komunumo
2 Geografio
3 Najbaraj komunumoj
4 Trafiko
5 Historio
6 Notoj kaj referencoj
7 Eksteraj ligiloj
Pri la komunumo |
Basse-Allaine estas komunumo en la distrikto Porrentruy en Kantono Ĵuraso, Svislando. Ĝi havis 1324 loĝantojn je la 31-a de decembro 2009.
Geografio |
Basse-Allaine situas en la norda parto de Kantono Ĵuraso, proksimume 3 kilometrojn de la distriktĉefurbo Porrentruy, ĉe la suba parto de la rivero Allaine, kiel dedukteblas de la komunuma nomo. La komunumo konsistas el la iamaj komunumoj Buix, Courtemaîche kaj Montignez.
Najbaraj komunumoj |
La komunumo Basse-Allaine limas en nordokcidento al Courcelles (Francio), en okcidentonordokcidento al Lugnez, en okcidento al Damphreŭ, en sudokcidento al Coeuve, en sudo al Courchavon, en sudokcidento al Bure, en okcidento al Villars-le-Sec (Francio), kaj en nordokcidento al Boncourt.
Trafiko |
Basse-Allaine situas ĉe la kantona ĉefvojo n-ro 6 de Porrentruy al Belfort. En la jaro 2012 estos malfermita la longigo de la svisa aŭtovojo A16 tra la komunuma teritorio. En Buix kaj Courtemaîche Basse-Allaine disponas pri stacidomoj ĉe la trajnlinio de Svisaj Federaciaj Fervojoj de Delle al Porrentruy kaj Delemonto. La komunuma parto Montignez atingeblas per buslinio ek de la du stacidomoj.
Historio |
La komunumo Basse-Allaine estis fondita kun efiko de la 1-a de januaro 2009 per kunigo de la ĝis tiam aŭtonomaj komunumoj Buix, Courtemaîche kaj Montignez. Origine ankaŭ la komunumo Courchavon intencis aliĝi al la nova komunumo, sed en la jaro 2007 Courchavon rezignis pro impostaj kialoj.
La unua dokumenta mencio de la komunumparto Montignez datiĝas el la jaro 731 kiel Montaniaco.[1]
La unua dokumenta mencio de la komunumparto Buix datiĝas el la jaro 1136 kiel Bus. La malnova germanlingva nomo de Buix estas Buchs.[2]
La unua dokumenta mencio de la komunumparto Courtemaîche datiĝas el la jaro 1139 kiel Cordomasge.[3]
Dum mezepoko la tri vilaĝoj, kiuj formas la hodiaŭan komunumon Basse-Allaine apartenis al la Princepiskopejo Bazelo. Post la franca revolucio de 1792 ili dum unu jaro apartenis al la Raŭraka Respubliko, kiu kiel departamento Mont Terrible estis integrita al Francio. De 1800 ĝis 1815 ili apartenis al la franca departemento Haut-Rhin, kaj en la jaro 1816 ili per dekreto de la Viena Kongreso de 1815 fariĝis parto de la distrikto Porrentruy de Kantono Berno. Ek de la 1-a de januaro 1979 la tri vilaĝoj apartenas kun la tuta distrikto al la nova Kantono Ĵuraso.
Notoj kaj referencoj |
↑ Fonto: Dominique Prongué: Montignez en Historia Leksikono de Svislando (2008-11-27)
↑ Fonto: * Dominique Prongué: Buix en Historia Leksikono de Svislando (2003-01-30)
↑ Fonto: Dominique Prongué: Courtemaîche en Historia Leksikono de Svislando (2004-03-15)
Eksteraj ligiloj |
- Vikifontaro|}}
- La vikipedia komunejo
Komunejo proponas multimediajn dosierojn al temo sub la gloso Basse-Allaine- Oficiala retejo de la komunumo Basse-Allaine
- Buix en la Historia Leksikono de Svislando
- Courtemaîche en la Historia Leksikono de Svislando
- Montignez en la Historia Leksikono de Svislando
| ||||||
