Stafeto (sporto)
du kurantoj prepariĝas je transdono de stafeta bastono
Stafeto estas teama sporta konkuro (kura, naĝa, skia, biatlona, orientiĝa aŭ sketa), en kiu la teamanoj unu post alia trapasas la etapojn, transdonate la vicon per enmanigo de bastoneto aŭ per simpla ektuŝo.
Ekzemplo estas la sporta disciplino ebenkura stafeto 4 po 100, disciplino de atletiko oficiala ekzemple en la Someraj Olimpikoj, en kiu ĉiu teamano el kvarhomaj teamoj kuras po 100 metrojn. Plia populara disciplino en atletiko estas la stafeto 4 po 400 (do kvar kuristoj, po 400 metroj). Tiu stafeto ofte estas la fina disciplino de atletika konkurso kaj la publiko tiam kutime sekvas ĝin kun aparta entuziasmo kaj aplaŭdo.
 naĝantoj en stafeta konkurso |  kuranto kun stafeta bastono |
Ekideno aŭ ekiden (en japana 駅伝?) estas termino reference al longdistanca stafeta kurkonkurenco, tipe surŝosea.
