Esperanto-Asocio de Finnlando
Esperanto-Asocio de Finnlando (EAF) kunordigas la agadon de finnlandaj esperantistoj kaj celas disdoni informojn pri la internacia lingvo en Finnlando kaj progresigi la uzadon de Esperanto. EAF estas Landa Asocio de Universala Esperanto-Asocio.
La oficejo de la asocio situas en la adreso Siltasaarenkatu 15 C 65, 00530 Helsinki, proksime al la placo Hakaniementori kaj la preĝejo de Kallio.
Enhavo
1 Agadoj
1.1 Eldonaĵoj
1.2 Lokoj de Vintraj kaj Aŭtunaj Tagoj
1.3 Internacia kunlaboro
2 Strukturo
2.1 Estraro
2.2 Membraro
3 Historio
4 Referencoj
5 Eksteraj ligiloj
Agadoj |
Eldonaĵoj |
Esperanto-Asocio de Finnlando estas ankaŭ eldonanto. La asocio eldonis esperantlingve la finnan nacian epopeon Kalevala kaj Muminvalon, kaj ĝi vendas finnan-esperantan vortaron kaj la originalan novelaron Kie Boacoj Vagadas de la finna aŭtorino Eija Salovaara.
La organo de la asocio nomiĝas Esperantolehti - Esperanta Finnlando.
Lokoj de Vintraj kaj Aŭtunaj Tagoj |
La asocio aranĝas ĉiujare du semajnfinajn eventojn, Vintrajn Tagojn en marto kaj Aŭtunajn Tagojn en septembro. La Vintraj Tagoj enhavas ankaŭ la jarkunvenon de la asocio. Krome la asocio okazigas aliajn eventojn, ekz. trejnseminariojn aŭ someran Esperantokurson.
| Jaro | Vintraj Tagoj | Aŭtunaj Tagoj |
|---|---|---|
| 1985 | Imatra | Mariehamn |
| 1986 | Helsinki | Bengtsfors, Svedio |
| 1987 | Jyväskylä | Tampere |
| 1988 | Joensuu | Lahti |
| 1989 | Salo | Oulu |
| 1990 | Helsinki | Viborg, Sovetio |
| 1991 | Turku | Tampere |
| 1992 | Lammi | Karhula / Hamina |
| 1993 | Lahti | Jyväskylä |
| 1994 | Järvenpää | Iisalmi |
| 1995 | Tampere | Naantali |
| 1996 | Helsinki | Enontekiö |
| 1997 | Seinäjoki | Tammela / Somero |
| 1998 | Kuopio | Lappeenranta |
| 1999 | Tampere | Houtskär |
| 2000 | Rovaniemi | Iitti |
| 2001 | Hämeenlinna | Helsinki |
| 2002 | Mikkeli | Taivalkoski |
| 2003 | Lahti | Raŭmo |
| 2004 | Jyväskylä | Iisalmi |
| 2005 | Orivesi | Lesjöfors, Svedio |
| 2006 | Turku | Haukipudas |
| 2007 | Kotka | Vaasa |
| 2008 | Espoo | Heinola |
| 2009 | Kouvola | Pori |
| 2010 | Jyväskylä | Tallinno kaj Tartu, Estonio |
| 2011 | Tampere | Tornio / Haparanda, Svedio |
| 2012 | Riihimäki | Mariehamn, Alando |
| 2013 | Helsinki | Kasnäs |
| 2014 | Turku | Iisalmi |
| 2015 | Tampere | Lahti |
| 2016 | Hämeenlinna | Taivalkoski |
| 2017 | Helsinki | Tammela |
| 2018 | Hyvinkää |
En la jaro 2007, la jubilea jaro de EAF, realiĝis tri ĉefaj eventoj: la jubilea tago la 28-an de aprilo, Festivalo Arta Lumo la 27-an de julio ĝis la 1-a de aŭgusto en Kuopio kaj oktobre simpozio "Finnlando, Esperanto kaj pluraj lingvoj praktike" en la dulingva urbo fi Vaasa, sv Vasa. Aŭtunaj Tagoj en 2007 estis ligitaj al la simpozio.
Internacia kunlaboro |
EAF aliĝis en 1939 al Internacia Esperanto-Ligo kiel Landa Asocio, malaktiviĝis kiel landa asocio en 1941-1946 kaj definitive aliĝis en 1955 al Universala Esperanto-Asocio. Finnlanda Esperantista Junulara Organizo estas nacia sekcio de TEJO kaj ĝis 2002 kunlaboris kun aliaj nordiaj Esperanto-junularoj en la organo Kvinpinto.
Strukturo |
Estraro |
La nuna estraro de la asocio estas:
- Prezidanto: Tuomo Grundström
- Vicprezidanto: Päivi Saarinen
- Sekretario: Tiina Oittinen
- Kasisto: Tiina Kosunen
- Aliaj estraranoj: Robert Bogenschneider, Arja Kuhanen, Paula Niinikorpi
- Vicestraranoj: Tapani Aarne, Börje Eriksson, Miamaria Saastamoinen
Membraro |
EAF havas individuajn membrojn kaj 9 membroorganizojn, el kiuj 6 estas lokaj esperantokluboj. La suma kvanto da membroj estas iom sub 300. Esperantistoj troviĝas en dekoj da urboj kaj vilaĝoj en ĉiuj partoj de Finnlando.
Membraj organizoj geografiaj:
Helsinki: Esperanto-klubo de Helsinki (fi Helsingin Esperantoseura ry)
Iisalmi: Esperanto-Klubo de Iisalmi (fi Iisalmen Esperanto-Klubi ry)
Jyväskylä: Esperanto-klubo de Jyväskylä (fi Jyväskylän Esperantokerho ry)
Oulu: Esperanto-societo de Oulu (fi Oulun esperantoseura)
Tampere: Esperanto-societo Antaŭen (fi Esperantoseura Antaŭen ry)
Turku: Esperanto-Societo en Turku (fi Turun Esperanto-yhdistys ry)
Aliaj:
Esperanto-Ligo de Finnlandaj Instruistoj (fi Suomen opettajien esperantoyhdistys ry, sv Lärarnas esperantoförening i Finland rf)
Finnlanda Esperantista Junulara Organizo (fi Suomen Nuorten Esperantoliitto ry, sv Finlands Esperantoungdomsförbund rf)- Vidhandikapula esperanto-asocio Steleto
Historio |
La Esperanto-Asocio de Finnlando estas fondita la 28-an de aprilo 1907. Post la UK 1922 en Helsinko la movado iomete velkis, pro internaj (politikaj kaj personaj) kvereloj. Nur post la dua mondmilito la movado fariĝis daŭre stabila. La Universala Kongreso okazis en Finnlando du pliajn fojojn, en Helsinko 1969 kaj en Tampereo 1995.
Referencoj |
Eksteraj ligiloj |
- Retpaĝaro de EAF
| ||||||||||||||
