Riemenstalden
| Riemenstalden | |
|---|---|
 | |
Blazono de Riemenstalden | |
 | |
La vilaĝo Riemenstalden | |
| Kantono | Ŝvico |
| Distrikto | Ŝvico |
Koordinatoj | 46°56′51″N 8°39′56″O / 46.9475°N, 8.66556°O / 46.9475; 8.66556 (Riemenstalden)Koordinatoj: 46°56′51″N 8°39′56″O / 46.9475°N, 8.66556°O / 46.9475; 8.66556 (Riemenstalden) |
| Nombro de enloĝantoj | 84 |
| Areo | 11,21 km² |
| Alteco | 1030 m super marnivelo |
| Poŝtkodo | 6452 |
| Komunumkodo | 1369 |
 | |
Situa mapo de Riemenstalden | |
Enhavo
1 Pri la komunumo
2 Geografio
3 Najbaraj komunumoj
4 Trafiko
5 Historio
6 Vidindaĵoj
7 Notoj kaj referencoj
8 Eksteraj ligiloj
9 Bildoj
Pri la komunumo |
Riemenstalden estas komunumo en la distrikto Ŝvico en Kantono Ŝvico, Svislando. Ĝi havis 84 loĝantojn je la 31-a de decembro 2009.
Geografio |
La vilaĝo Riemenstalden situas alte sur 1030 m s.m. en flanka valo de la Lago de Urio, sudorienta baseno de la Kvarkantona Lago. Kun nur 84 loĝantoj la komunumo estas laŭ loĝantaro la plej malgranda komunumo de la kantono. La komunumo konsistas el la norda flanko de la Valo de Riemenstalden. Ĝian sudan limon formas la Rojo de Riemenstalden. La suda valflanko apartenas al la komunumo Sisikon, Kantono Urio. Pro la situo en la montaro la vilaĝo regule suferas sub naturaj katastrofoj, kiel lavangoj, ŝtonlavangoj kaj inundoj. La plej altaj punktoj de la komunumo estas la montoj Chlingenstock kun alteco de 1935 m s.m. en nordo kaj Sisiger Spitz kun alteco de 1914 m s.m. en nordoriento de la komunumo. La komunumo konsistas el la vilaĝo Riemenstalden kaj la setlejoj Losberg kaj Chäppeliberg kaj diversaj izolitaj bienoj.[1]
La teritorio de la komunumo etendiĝas sur areo de 11,21 km², de kiuj 21,1% estas kovritaj de arbaro, 54,1% servas por agrikulturo kaj 0,6% por setlado.
[2]
Najbaraj komunumoj |
La komunumo Riemenstalden limas en nordokcidento al Morschach, en nordoriento al Muotathal, en sudoriento al Bürglen (UR), kaj en sudokcidento al Sisikon (UR).
Trafiko |
Riemenstalden situas komplete flanke de la gravaj trafikvojoj. La komunumo atingeblas nur per kurba montarvojeto ek de la Aksovojo en Sisikon. Al la publika transportreto la komunumo estas konektita per poŝtaŭtolinio al la stacidomo de Sisikon. De Chäppeliberg aertelfero kondukas al la alpopaŝtejo Gitschen, kiu situas sur la teritorio de la komunumo Sisikon.
Historio |
La unua dokumenta mencio de Riemenstalden datiĝas el la jaro 1343 kiel Reymerstalden. Laŭdire jam en 1318 en Riemenstalden ekzistis pastra preĝejo, kiu disfalis. Tiam Riemenstalden estis integrita al la paroĥo Morschach. En la jaro 1708 estis konstruita la kapelo St. Johann Baptista, kaj en la jaro 1792 la pastra preĝejo Maria vom guten Rat. Ek de 1804 Riemenstalden estas denove memstara paroĥo. Post la lavangokatastrofoj en la jaroj 1952 kaj 1954 en Riemenstalden estis faritaj multnombraj protektokonstruaĵoj. Ankaŭ laŭlonge de la alveturvojo necesis regule novaj protektoinstalaĵoj kontraŭ ŝtonfalo, akvo kaj lavangoj.
[3]
Vidindaĵoj |
Vidinda estas la baroka katolika pastra preĝejo Maria de Bona Konsilo en la vilaĝo centro, en kiu troviĝas belaj plafonfreskoj. En la vilaĝeto Chäppelimatt situas la kapelo Sankta Johano.
Notoj kaj referencoj |
↑ Fonto: Reta mapo 1:20000 de Swisstopo
↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
↑ Fonto: Franz Auf der Maur: Riemenstalden en Historia Leksikono de Svislando (2009-06-25)
Eksteraj ligiloj |
- Vikifontaro|}}
- La vikipedia komunejo
Komunejo proponas multimediajn dosierojn al temo sub la gloso Riemenstalden- Oficiala retejo de la komunumo Riemenstalden
- Riemenstalden en la Historia Leksikono de Svislando
Bildoj |
Kapelo Sankta Johano en Chäppelimatt
Katolika preĝejo
La preĝejo de interne
Lernejo
Aertelfero de Chäppeliberg al Gitschen
Valo de Riemenstalden vidita de la aertelfero de Chäppeliberg al Gitschen
La montopinto Sisiger Spitz en nordoriento de Riemenstalden, vidita de Gitschen
| ||||||
