Anapurno
| Anapurno | ||
|---|---|---|
 Anapurno vidata de okcidenta parto. | ||
La plej alta punkto | (8 091 m) | |
Kontinento | Azio | |
Situo |  Nepalo | |
Geografia situo | 28° 35′ N, 83° 57′ O28.58333333333383.95Koordinatoj: 28° 35′ N, 83° 57′ O | |
Anapurno (Sanskrito, nepale, nevare: अन्नपूर्णा ) estas aro de montoj en la Himalajoj. Ĝia plej alta pinto estas Anapurno 1, kun alteco de 8091 metroj, estante la 10-a plej alta monto de la mondo-pinto, ĝi apartenas al la 14 "8000-aj montoj".
Enhavo
1 Nomo
2 Unua grimpo
3 Plej malfacile grimpebla 8000-metra pinto
4 Eksteraj ligiloj
Nomo |
La nomo Anapurno devenas el la sanskrita lingvo kaj havas la signifon de Diino nutranta respektive Diino de pleneco.
Unua grimpo |
La unuan grimpon sukcesis la franca ŝnurkamaradoj Louis Lachenal kaj Maurice Herzog la 3-an de junio 1950. Temis pri la unua sukcesa grimpo de 8000-metra monto entute.
Plej malfacile grimpebla 8000-metra pinto |
Kvankam ĝi estis la unua el la 8000-metraj montoj grimpita de homoj, ĝi estas la plej malfacile grimpebla el ĉiuj 14. Pro ekstrema danĝero de lavangoj la risko de ĝia grimpado estas enorma. Laŭ la ĝisnuna statistiko, el malpli ol tri sukcesaj grimpadoj venis unu akcidento kun mortinto. Konataj alpinistoj kiel Anatoli Boukreev, Christian Kuntner kaj Ian Clough perdis sian vivon sur Anapurno. Anapurno estas la plej malofte grimpata pinto de la 8000-metraj montoj. Ĝis la 31-a de decembro 2005 entute nur 142 alpinistoj atingis la supron dum mortis 58, du trionoj el inter ili en lavangoj. Komercaj ekskursofertantoj tial evitas ekspediciojn al Anapurno.
Eksteraj ligiloj |
- Anapurno en peakware.com
Ĉomolungmo (aŭ Everesto) - K2 (Ĉogori aŭ Lambha Pahar aŭ Dapsang) - Kangchenjunga - Lhotse - Makalu - Ĉo Oju - Dhaulagiri - Manaslu - Nanga Parbat - Anapurno - Gaŝerbrum 1 (Kaŝita Pinto) - Broad Peak (Falĉan Kangri/K3) - Gaŝerbrum 2 (K4) - Ŝiŝapangmo
