Gfyuki

Sumatro
Situo	Hinda oceano
Insularo	Grandaj Sundaj Insuloj
Geografia situo	0° S, 102° O-0.38333333333333101.766666666673805Koordinatoj: 0° S, 102° O
Longo	1 700 km
Larĝo	370 km
Areo	473 481 km²
Plej alta loko	Kerinĉi 3 805 m
Loĝantaro	50 365 538 (2010) 106 loĝ./km²
Ĉefa loko	Medan
Topografia mapo
v • d • r

Mapeto de Sumatro kaj Javo

Sumatro estas insulo el la Sundaj Insuloj, apartenanta al Indonezio. Ĝi situas rande de la Hinda Oceano ambaŭflanke de la ekvatoro.

Sumatro havas areon de 474.000 km² kaj estas la sesa plej granda insulo en la mondo (post Gronlando, Nov-Gvineo, Borneo, Madagaskaro kaj Bafina Insulo). Ĝi havas 47 milionojn da loĝantoj, plejparte malajoj. Ĝia longo estas 1.600 km, ĝia pleja larĝo 370 km. Ĝia plej alta loko estas monto Kerinĉi kun 3805 m.

De la azia kontinento ĝin disigas la Malaka Markolo.
Sud-oriente situas insulo Javo; la intera markolo nomiĝas
Sunda Markolo aŭ simple Sundo.

Biogeografie Sumatro troviĝas en la sundalanda-filipina ekoprovinco el la orientalisa ekozono laŭ la tipologio de la Monda Natur-Fonduso (WWF), en speciala biogeografia regiono nomata Sunda Lando. Okcidente de la insulo situas mara ekoregiono. Fitogeografie, Sumatro estas aparta flaŭra provinco el la Malesia Regiono de la Paleotropisa Regno.

Sumatro administre dividiĝas en dek provincojn, nome

• 
  Aceh (privilegiata regiono kun apartismaj tendencoj)


• Bangka-Belitung


• Bengkulu


• Jambi


• Lampung


• Riau


• Riau Kepulauan (Riau-insuloj)


• Sumatera Barat (Okcidenta Sumatro); ĉefurbo: Padang
  


• Sumatera Selatan (Suda Sumatro); ĉefurbo: Palembang
  


• Sumatera Utara (Norda Sumatro); ĉefurbo: Medan
  

La laste menciitaj tri ĉefurboj estas ankaŭ la plej signifaj urboj de la insulo.

Je la 26-a de decembro 2004 ĉe Sumatro okazis unu la plej detruaj tertremoj iam registritaj kaŭzante enorman cunamon.

Nomo |

La sanskrita nomo de la insulo estis Sŭarnadŭīpa (=insulo de oro) aŭ Sŭarnabhūmi (=lando de oro), pro la abundo de orminoj.

La nomo "Sumatro" aperis unue en 1017, kiam reĝo nomanta sin Haĵi Sumatrabhumi (= reĝo de la lando de Sumatro), sendis ambasadoron al Ĉinio.

Portalo pri Indonezio

Vidu ankaŭ |

• Delio


• Toba