Habsburgo AG
| Habsburgo | |
|---|---|
 Blazono de Habsburgo | |
 Habsburgo | |
| Kantono | Argovio |
| Distrikto | Brugg |
Koordinatoj | 47°27′50″N 8°11′10″O / 47.46389°N, 8.18611°O / 47.46389; 8.18611 (Habsburgo AG)Koordinatoj: 47°27′50″N 8°11′10″O / 47.46389°N, 8.18611°O / 47.46389; 8.18611 (Habsburgo AG) |
| Nombro de enloĝantoj | 427 |
| Areo | 2,23 km² |
| Alteco | 470 m super marnivelo |
| Poŝtkodo | 5245 |
| Komunumkodo | 4099 |
 Mapo de Habsburgo | |
Enhavo
1 Pri la komunumo
2 Geografio
3 Najbaraj komunumoj
4 Trafiko
5 Historio
6 Vidu ankaŭ
7 Eksteraj ligiloj
Pri la komunumo |
Habsburgo (alemane kaj germane Habsburg) estas komunumo en la distrikto Brugg de Kantono Argovio, Svislando. Ĝia samnoma kastelo estis la prasidejo de la granda nobela dinastio de la Habsburgoj. La komunumo havis 427 loĝantojn je la 31-a de decembro 2008.
Geografio |
La vilaĝo Habsburgo situas oriente de la monto Wülpelsberg sur kies pinto situas la prakastelo de la Habsburgoj. La norda flanko de Wülpelsberg deklive falas al la valo de la rivero Aro (rivero), dum oriente kaj sude etentiĝas iomete oblikva altebenaĵo kun la nomo Birrfeld.
Najbaraj komunumoj |
La komunumo Habsburgo limas en nordo al Brugg, en oriento al Hausen, en sudo al Scherz, kaj en okcidento al Schinznach-Bad.
Trafiko |
La komunumo Habsburgo situas flanke de la trafikvojoj. Ĝi atingeblas per loka trafikvojo ek de Brugg kaj Scherz, sur kiu ankaŭ cirkulas poŝtaŭto, kiu konektas la komunumon al la publika trafikreto.
La nacia svisa aŭtovojo A3 pasas en tunelo kun longeco de 1,2 km sub la komunumo. La plej proksima alveturejo al ĝi troviĝas en distanco de proksimume 4 km en Brugg.
Historio |
La unua dokumenta mencio de Habsburgo datiĝas el la jaro 1027 kiel Habesbur kaj Habesburch.
Diversaj trovaĵoj indikas, ke en la loko jam en la bronzepoko kaj dum la tempo de la romianoj setlis homoj. Proksimume en la jaro 1020 Radbot, Grafo de Kletgovio, konstruigis la kastelon sur la monto Wülpelsberg, kiu laŭ la legendo portis la nomon Habichtsburg (en Esperanto: Akcipitro-Kastelo) kaj kiu poste fariĝis la prakastelo de la dinastio de la Habsburgoj. Kiam la Habsburgoj fariĝis grava reganta dinastio, la kastelo ne plu taŭgis kiel familia sidejo kaj estis pruntedonita al servantoj.
En la jaro 1415 la bernanoj konkeris Argovion kaj forĉasis la Habsburgojn el sia pralando. La loko ricevis plurfoje novajn posedantojn kaj falis en la jaro 1528 sub la administrado de la kamparvokto de Königsfelden. En marto 1798 Argovio estis liberigita dum la Helveta Revolucio de la berna servuteco kaj ek de tiam la vilaĝo Habsburgo apartenas al la nove fondita Kantono Argovio.
Vidu ankaŭ |
- Habsburgo
- Habsburgoj
- Kastelo Habsburgo
Eksteraj ligiloj |
- Oficiala retejo de la komunumo Habsburgo
- La komunumo Habsburgo en la Historia Leksikono de Svislando
- Vikifontaro|}}
- La vikipedia komunejo
Komunejo proponas multimediajn dosierojn al temo sub la gloso Habsburgo
| ||||||
