Rust (programlingvo)
| Rust | |
|---|---|
| Paradigmo: | imperativa, Objektema, funkcia, kunrulo |
| Klaso: | tradukila |
| Aperis en: | 2010 |
| Aŭtoro(j): | Graydon Hoare |
Tipa sistemo: | statika, strikta |
| Kreita sub la influo de: | C++, Erlang, Haskell, Scala... |
| Permesilo(j): | MIT-permesilo / Apaĉa Permesilo |
| Retejo: | rust-lang.org |
Rust estas ĝeneralcela, plurparadigma, tradukita programlingvo kreita de Mozilla por konsistigi "sekuran, kunrulan, praktikan lingvon". Ĝi subtenas interalie pure funkcian, kunrulan agantan, ordoneman-procedureman kaj objekteman stilojn.
La lingvo kreskis el persona projekto de Graydon Hoare, dungato de Mozilla. En 2009 Mozilla mem eksubtenis la projekton kaj unue anoncis ĝin en 2010. La saman jaron, laboro reorientiĝis de la unua tradukilo (skribita en OCaml) al la singastiga tradukilo, skribita en Rust. La singastiga tradukilo uzas LLVM interne.
La unua numerita eldono de la Rusta tradukilo okazis en januaro 2012. La unua stabila eldono, Rust 1.0, eldoniĝis la 15-an de majo 2015.
Oni evoluigas Ruston tute malfermite kaj petas rimarkojn kaj kontribuojn de la komunumo. Oni rafinis la fasonadon de Rust pro la spertoj de verkado de la aspektiga modulo Servo kaj la Rusta tradukilo. Kvankam ĝian evoluigadon subtenas Mozilla, Rust estas komunuma projekto. Granda procento da nunaj enmetoj venas de komunumanoj.
Ekzempla programo |
fn main() {
let program = "+ + * - /";
let mut accumulator = 0;
for token in program.chars() {
match token {
'+' => accumulator += 1,
'-' => accumulator -= 1,
'*' => accumulator *= 2,
'/' => accumulator /= 2,
_ => { /* ignore everything else */ }
}
}
println!("The program "{}" calculates the value {}",
program, accumulator);
}
