Elizavetpola Gubernio
Elizavetpola Gubernio.
Elizavetpola Gubernio (ruse Елизаветпольская губерния) estis unu el la gubernioj de la Rusa Imperio, kun ĝia centro en Elizavetpolo (oficiala nomo por Ganĝa en 1805-1918). Ĝia areo estis 44,136 kvadrataj kilometroj, kaj ĝi havis 878,415 loĝantojn antaŭ 1897.
Historio |
Elizavetpola Gubernio estis establita en 1868 kaj inkludis partojn de Bakua gubernio kaj Tiflisa gubernio. Tio inkludis teritoriojn de la antaŭaj Ganĝa ĥanato, Ŝakia ĥanato, kaj Karabaĥa ĥanato. Ĝi limis kun la Bakua gubernio, Tiflisa gubernio, Erevana gubernio, Dagestana oblasto, kaj Irano.
Komence en 1905, ekzistis provoj de la etnaj armenoj de la regiono apartigi la altajn zonojn (ofte konatajn kiel Montara Karabaĥo) de la resto de Elizavetpolo. En tiuj areoj, 70% de la loĝantaro estis armenoj. Kvankam la plano estis poste apogita de la rusa vicreĝo, ĝi neniam estis adoptita.
Post la establado de laAzerbajĝana Demokratia Respubliko en 1918, Elizavetpola Gubernio estis renomita Ganĝa Gubernio. La areo en la sudo de la montaro Murov estis transformita en Ĝenerala Karabaĥa gubernio. La gubernia sistemo estis forigita en la fruaj 1920-aj jaroj.
Hodiaŭ, la teritorio de la antaŭa gubernio estas en okcidentaj azeraj kaj apudaj areoj de Armenio.
