Courtételle
| Courtételle | |
|---|---|
 | |
Blazono de Courtételle | |
 Courtételle | |
Soldatoj antaŭ la lernejo de Courtételle (2-a Mondmilito) | |
| Kantono | Ĵuraso |
| Distrikto | Delemonto |
Koordinatoj | 47°20′30″N 7°19′10″O / 47.34167°N, 7.31944°O / 47.34167; 7.31944 (Courtételle)Koordinatoj: 47°20′30″N 7°19′10″O / 47.34167°N, 7.31944°O / 47.34167; 7.31944 (Courtételle) |
| Nombro de enloĝantoj | 2350 |
| Areo | 13,56 km² |
| Alteco | 441 m super marnivelo |
| Poŝtkodo | 2852 |
| Komunumkodo | 6710 |
 | |
Situa mapo de Courtételle | |
Courtételle (prononcu kurtetel) estas komunumo en la distrikto Delemonto en Kantono Ĵuraso, Svislando. Ĝi havis 2350 loĝantojn je la 31-a de decembro 2009.
Enhavo
1 Geografio
2 Najbaraj komunumoj
3 Trafiko
4 Historio
5 Notoj kaj referencoj
6 Eksteraj ligiloj
Geografio |
Courtételle situas ĉe la suda flanko de la Valkaldrono de Delemonto ĉe la norda deklivo de la ĵurasa montoĉeno Le Mont, sur kies kresto sur alteco de 1133 m s.m. troviĝas la plej alta punkto de la komunumo. Tra la komunumo fluas de okcidento al oriento la rivero Sorne, alfluanto de Birs. Al la komunumo apartenas krom la ĉefvilaĝo Courtételle la vilaĝoj kaj setlejoj Courtemelon, Métairie de Chaux kaj Sainte Fontaine. La teritorio de la komunumo etendiĝas sur areo de 13,56 km², de kiuj 36% estas kovritaj de arbaro, 57% servas por agrikulturo kaj 7% por setlado.
Najbaraj komunumoj |
La komunumo Courtételle limas en nordoriento al Delemonto, en oriento al Rossemaison, en sudoriento al Châtillon, en sudo al Soulce, en okcidento al Courfaivre, kaj en nordokcidento al Develier.
Trafiko |
Courtételle siutas ĉe la kantona ĉefvojo n-ro 18 de La Chaux-de-Fonds al Delemonto kaj disponas pri alveturejo al la svisa aŭtovojo A16. Per stacidomo ĉe la trajnlinio de la Svisaj Federaciaj Fervojoj de Glovelier al Delemonto la komunumo estas bone konektita al la publika transportreto.
Historio |
La unua dokumenta mencio de Courtételle datiĝas el la jaro 1178 kiel Curtetele.
Kiel unu de la 13 liberaj vilaĝoj de la regno Delemonto Courtételle fariĝis en la jaro 1271 havaĵo de la Princepiskopejo Bazelo. Post la Franca Revolucio de 1792 dum unu jaro la vilaĝo apartenis al la Raŭraka Respubliko por poste aparteni de 1793 ĝis 1815 al Francio, unue kiel parto de la departemento Mont-Terrible kaj poste de la departemento Haut-Rhin. En la jaro 1815 la Viena Kongreso atribuis la regionon al la svisa Kantono Berno. Ek de la 1-a de januaro 1979 Courtételle apartenas al la nove fondita Kantono Ĵuraso.
[1]
Notoj kaj referencoj |
↑ Fonto: François Kohler: Courtételle en Historia Leksikono de Svislando (2009-08-06)
Eksteraj ligiloj |
- Vikifontaro|}}
- La vikipedia komunejo
Komunejo proponas multimediajn dosierojn al temo sub la gloso Courtételle- Oficiala retejo de la komunumo Courtételle
- Courtételle en la Historia Leksikono de Svislando
| ||||||
