Golanaj Altaĵoj
Parto de la Golanaj Altaĵoj
La Golanaj Altaĵoj kaj ankaŭ simple Golano aŭ Siria Golano[1] estas peco de teritorio de Sirio okupita kaj regata de Israelo,[2][3][4][5][6] ĉe ties limo kun Sirio, Libano kaj Jordanio. Ĝi estas relative malgranda, iom pli ol 1000 kvadrataj kilometroj, kaj ĝi estas inter 400 kaj 1700 metrojn super la nivelo de la maro. Ĝis 1967, la teritorio estis regata de Sirio, sed en la Sestaga milito de 1967 Israelo ekokupis la teritorion.[7] La pravigo kiun la Israela registaro donis, estis ke la Siria armeo uzis la altaĵojn por pafi kontraŭ civilaj komunumoj en la nordo de Israelo. Efektive inter 1948 kaj 1967 140 israelanoj estis mortigitaj de ĉi tiuj atakoj.
La teritorio restis sub Israela milita administrado ĝis 1981, kiam la registaro efektivigis israelan juron en ĝi, kaj do nun ĝi estas regata kiel ordinara parto de Israelo. Sirio ankoraŭ deklaras, ke ĝi volas reakiri la teritorion. Internacie, malmultaj landoj rekonas la Israelan regadon super la Golanaj Altaĵoj kiel legitiman.
En 1967 la plejmulto de la araba loĝantaro de 148.000 eskapis aŭ estis forpelitaj. Kelkaj tamen restis, ĉefe Druzoj. Nuntempe vivas en la Golano ĉirkaŭ 33.000 homoj, kaj judoj kaj druzoj. La ĉefa urbo nomiĝas Kacrin. La druza loĝantaro plejparte subtenas Sirion, kaj malgraŭ tio, ke ili rajtas akiri israelan civitanecon, praktike ĉiuj druzoj elektis konservi sian sirian civitanecon. La limo kun Sirio restas fermita.
Vidu ankaŭ |
- Araba-israela konflikto
Referencoj |
↑ "Human rights in the occupied Syrian Golan". Human Rights Council. United Nations General Assembly. 27a de Februaro 2009. Arkivita el la originalo en la 24a de Februaro 2012. Alirita la 19an de Decembro 2011.
↑ "The international community maintains that the Israeli decision to impose its laws, jurisdiction and administration in the occupied Syrian Golan is null and void and without international legal effect." International Labour Office (2009). The situation of workers of the occupied Arab territories (International government publication ed.). International Labour Office. p. 23. ISBN 978-92-2-120630-9.
↑ "...occupied Syrian Golan Heights..." (The Arab Peace Initiative, 2002 Archived 4 June 2009 at the Wayback Machine., www.al-bab.com. Retrieved 1 August 2010.)
↑ In 2008, a plenary session of the United Nations General Assembly voted by 161–1 in favour of a motion on the "occupied Syrian Golan" that reaffirmed support for UN Resolution 497. (General Assembly adopts broad range of texts, 26 in all, on recommendation of its fourth Committee, including on decolonization, information, Palestine refugees, United Nations, 5a de Decembro 2008.)
↑ "the Syrian Golan Heights territory, which Israel has occupied since 1967". Also, "the Golan Heights, a 450-square mile portion of southwestern Syria that Israel occupied during the 1967 Arab-Israeli war." (CRS Issue Brief for Congress: Syria: U.S. Relations and Bilateral Issues, Congressional Research Service. 19a de Januaro 2006)
↑ Korman, Sharon, The Right of Conquest: The Acquisition of Territory by Force in International Law and Practice, Oxford University Press, pp. 262–263
↑ "Agreement on Disengagement between Israeli and Syrian Force". Report of the Secretary-General concerning the Agreement on Disengagement between Israeli and Syrian Forces. United Nations. Arkivita el la originalo en 21a de Aprilo 2012. Alirita en 29a de Novembro 2011.
