Rossemaison
| Rossemaison | |
|---|---|
 | |
Blazono de Ressemaison | |
 | |
Rossemaison | |
| Kantono | Ĵuraso |
| Distrikto | Delemonto |
Koordinatoj | 47°20′50″N 7°20′25″O / 47.34722°N, 7.34028°O / 47.34722; 7.34028 (Rossemaison)Koordinatoj: 47°20′50″N 7°20′25″O / 47.34722°N, 7.34028°O / 47.34722; 7.34028 (Rossemaison) |
| Nombro de enloĝantoj | 561 |
| Areo | 1,89 km² |
| Alteco | 455 m super marnivelo |
| Poŝtkodo | 2842 |
| Komunumkodo | 6721 |
 | |
Situa mapo de Rossemaison | |
Rossemaison (la malnova, ne plu uzata germanlingva nomo de la komunumo estas Rottmund) estas komunumo en la distrikto Delemonto en Kantono Ĵuraso, Svislando. Ĝi havis 561 loĝantojn je la 31-a de decembro 2009.
Enhavo
1 Geografio
2 Najbaraj komunumoj
3 Trafiko
4 Historio
5 Notoj kaj referencoj
6 Eksteraj ligiloj
Geografio |
Rossemaison situas 2 kilometrojn sude de la kantonĉefurbo Delemonto, ĉe la norda deklivo de ĉeno de la Falda Ĵuraso. La suda parto de la komunumo apartenas al la centro de la frukta Valkaldrono de Delemonto kun intensiva agrikulturo. La teritorio de la komunumo etendiĝas sur areo de 1,89 km², de kiuj 17% estas kovritaj de arbaro, la plej granda parto de la areo, nome 71%, servas por agrikulturo, dum 12% servas por setlado.
Najbaraj komunumoj |
La komunumo Rossemaison limas al en nordo al Delemonto, en oriento al Courrendlin, en sudo al Châtillon, kaj en okcidento al Courtételle.
Trafiko |
La vilaĝo mem situas flanke de la gravaj trafikvojoj, tamen ĝi estas bone atingebla. Ĉe la norda flanko de la komunumo preterpasas la grava kantona ĉefvojo n-ro 18 de La Chaux-de-Fonds al Delemonto kaj la svisa aŭtovojo A16, al kiu la plej proksima alveturejo situas en distanco de nur unu kilometro oriente de la vilaĝo. Al la publika transportreto la komunumo estas konektita per la buslinio de Châtillon al Delemonto.
Historio |
La unua dokumenta mencio Rossemasion datiĝas el la jaro 1194 kiel Rondemunt. El la jaro 1462 datiĝas mencio kiel Rosemason. Rossemaison apartenis ĝis la Franca Revolucio de 1792 al la Paroĥaro Moutier-Grandval, kiu estis parto de la Pricepiskopejo Bazelo. Tiam dum unu jaro la vilaĝo apartenis al la Raŭraka Respubliko por poste aparteni de 1793 ĝis 1815 al Francio, unue kiel parto de la departemento Mont-Terrible kaj poste de la departemento Haut-Rhin. En la jaro 1815 la Viena Kongreso atribuis la regionon al la svisa Kantono Berno. Ek de la 1-a de januaro 1979 Rossemaison apartenas al la nove fondita Kantono Ĵuraso.
[1]
Notoj kaj referencoj |
↑ Fonto: Kontribuoj pri la historio de Rossemaison en la retejo de la komunumo
Eksteraj ligiloj |
- Vidu ankaŭ en la Vikimedia Komunejo la kategorion Rossemaison – (Kolekto de bildoj kaj plurmediaj dosieroj)
- Oficiala retejo de la komunumo Rossemaison
| ||||||
