Stille Nacht







La Paca-Nokt'-Kapelo en Oberndorf





«Stille Nacht» en Esperanto kaj germane
ADORU 213


Paca Nokt', ankaŭ Milda nokt'[1], estas unu el la plej popularaj Kristnaskaj kantoj en la mondo. Ĝi estas el la germana tradukita en almenaŭ 320 lingvojn. UNESKO deklaris ĝin en 2011 nemateria kultura heredaĵo[2].


Ĉirkaŭ 1816 la aŭstria vikario Josef Mohr (1792–1848) germane skribis la tekston de poemo, kies originala komenclinio estas Stille Nacht, heilige Nacht (Trankvila nokto, sankta nokto).


En decembro 1818 la orgeno en la preĝejo de pastro Mohr en Oberndorf paneis. Li bezonis senorgene kanteblan kanton por la Kristnaska meso kaj petis la vilaĝ-lernejestron Franz Xaver Gruber (1787–1863) komponi gitaran melodion por «Stille Nacht».


De Oberndorf la kanto eliris en la tutan mondon.


Preskaŭ unu jarcenton poste, en 1914, dum Kristnaska militpaŭzo en la Unua mondmilito, kaj la anglaj kaj la germanaj soldatoj samtempe kantis «Paca Nokt'» en siaj propraj naciaj lingvoj.


De la origine ses strofoj estas plej ofte konataj nur la unua, dua kaj lasta. Oni kutime kantas ilin laŭ la melodi-versio de 1838. La tutan germanan tekston kaj la originalan melodion de 1818 oni trovas en la interreta portalo KRISTANAJ FONTOJ.




Enhavo






  • 1 Esperantaj tradukoj


  • 2 Aliaj lingvoj


  • 3 Referencoj


  • 4 Eksteraj ligiloj





Esperantaj tradukoj |


Ekzistas pli ol dek esperantaj tradukoj de Stille Nacht. Jen la versio de ADORU 213. Ĝin verkis en 1997 la redakta teamo «Kloster Kirchberg», t. e. Adolf Burkhardt, Bernhard Eichkorn kaj Albrecht Kronenberger, kune kun Helmut Rössler, kiel mozaikon el jam ekzistantaj versioj. Jen video-versio.






germane:

Stille Nacht, heilige Nacht!

Alles schläft, einsam wacht

nur das traute, hochheilige Paar.

Holder Knabe im lockigen Haar,

schlaf in himmlischer Ruh,

schlaf in himmlischer Ruh.




Stille Nacht, heilige Nacht!

Hirten erst kundgemacht,

durch der Engel Halleluja

tönt es laut von fern und nah:

Christ, der Retter, ist da,

Christ, der Retter, ist da.




Stille Nacht, heilige Nacht!

Gottes Sohn, o wie lacht

Lieb aus deinem göttlichen Mund,

da uns schlägt die rettende Stund,

Christ, in deiner Geburt,

Christ, in deiner Geburt.
esperante:

Paca nokt’, sankta nokt’!

Sonĝas stel’. En malhel’

viglas ame la sankta par’.

Ĉarma knabo kun bukla harar’,

dormu; gardos ĉiel’.

Dormu; gardos ĉiel’.




Paca nokt’, sankta nokt’!

Tra la land’ vibras kant’:

«Ho paŝtistoj, mi diras al vi:

Jen en stalo la beba Mesi’,

Li de l’ mondo Savant’,

Li de l’ mondo Savant’.»




Paca nokt’, sankta nokt’!

Tie ĉi Fil’ de Di’

donas amon el Dia kor’.

Por elsavo nun sonas la hor’:

Krist’ naskiĝis por ni!

Krist’ naskiĝis por ni!

laŭvorta traduko:


Trankvila nokto, sankta nokto! Ĉio dormas, solece viglas nur la intima plejsankta paro. Ĉarma knabo kun bukla hararo, dormu en ĉiela ripozo.


Trankvila nokto, sankta nokto! Al paŝtistoj kiel la unuaj proklamita, per la Halelujo de la anĝeloj sonas laŭte de malproksime kaj proksime: Jen Kristo, la Savanto.


Trankvila nokto, sankta nokto! Filo de Dio, ho kiel ridas amo el via Dia buŝo, kiam al ni sonas la sava horo, Kristo, en via naskiĝo.



Aliaj lingvoj |



  • angle: Silent night, holy night

  • bosnie: Tiha noć sveta noć

  • bulgare: Тиха нощ, свята нощ

  • ĉeĥe (1): Tichá noc, svatá noc

  • ĉeĥe (2): Tichá noc, přesvatá noc

  • ĉine: 平安夜 圣善夜 (Ping'an ye, sheng shan ye)

  • dane (1): Glade jul, dejlige jul

  • dane (2): Stile nat, heiliga nat

  • estone: Püha öö, õnnistud öö

  • eŭske (vaske): Haurtxo maite, nola zaude?

  • finne (suome): Jouluyö, juhlayö

  • france: Douce nuit, sainte nuit

  • greke: Άγια Νύχτα, σε προσμένουν

  • hawaje: Pō la‘i ē, pō kamaha‘o

  • hispane: Noche de paz, noche de amor

  • hungare (1): Csendes éj, drága szent éj

  • hungare (2): Csendes éj! Szentséges éj!

  • indonezie: Malam kudus, sunyi senyap

  • irlande (irland-gaele): Oíche chiúin, oíche Mhic Dé

  • islande: Heims um ból, helg eru jól

  • itale: Astro del Ciel, pargol divin

  • japane: きよしこの夜 星はひかり

  • kaŝube: Cëchô noc, swiãtëchnô noc

  • katalane: Santa Nit! Plácida Nit!

  • kimre: Tawel nos dros y byd

  • koree: 고요한 밤 거룩한 밤 (Goyohan bam, georukhan bam)

  • kroate: Tiha noć, blažena noć

  • latine: Alma nox, tacita nox

  • latve: Klusa nakts, svēta nakts

  • lingale: Butú pi! kamwani!

  • litove: Tyli naktis, šventa naktis

  • nederlande: Stille nacht, heilige nacht

  • norvege (1): Glade jul, hellige jul

  • norvege (1, nynorsk): Glade jol, heilage jol

  • norvege (2): Stille natt, hellige natt

  • perse: شب آرام

  • platdiĉe: Still is de Nacht, heilig de Nacht

  • pole: Cicha noc, święta noc

  • portugale: Noite feliz! Noite feliz!

  • retoromane: Clara notg

  • rumane: Noapte de vis, timp preasfânt

  • ruse (1): Тихая ночь

  • ruse (2): Ночь тиха, ночь свята

  • serbe: Тиха ноћ

  • skote (skot-gaele): Oidhche shàmhach, oidhche naomh

  • slovake: Tichá noc, svätá noc

  • slovene: Sveta noč, blažena noč

  • svede: Stilla natt, heliga natt

  • turke: Sessiz gece, Kutsal gece

  • ukraine: Тихая ніч, дивная ніч

  • valone: Coete nute, sinte nute

  • vjetname: Đêm thánh vô cùng



Referencoj |




  1. ↑ http://www.esperanto.be/fel/but/lib/mild.php


  2. ↑ (franca) Douce nuit, sainte nuit» célèbre ses 200 ans place Saint-Pierre, (kun video), Vatican News



Eksteraj ligiloj |



  • TTT-Himnaro Cigneta: kvar versioj kaj ligoj al kvar aliaj en Esperanto (el Retarkivo 20091027050705)

  • La originala versio en la germana

  • "Stille Nacht" en pli ol 100 lingvoj

  • Alia versio tradukita el la dana de J.H. Vink

  • Esperantlingva KD-ROMO pri la kanto kun ekzemploj en dekoj da lingvoj

  • Video-versio en Esperanto kun anima filmeto




-

Popular posts from this blog

Ponta tanko

Image
Usona ponta tanko M60A1 Ponta tanko estas, simile kiel kirasita savveturilo, inter specialaj kirasitaj transportiloj. Kiel pontaj tankoj eblas konsideri ĉiujn memmovigaj rimedoj ebligantaj superi obstaklojn ĝis larĝeco 24 metroj rekte en spaco de bataloperacoj. Ties ĉefa tasko estas ebligi al la propraj taĉmentoj daŭrigi en rapida antaŭenirado sen senbezona reteniĝo. El tio pli-malpli rezultas taktikaj-teknikaj postuloj, kiujn ili devas plenumi. Precipe temas pri kapablo operacii komune kun unue-sinsekvaj taĉmentoj kaj transpontigi obstaklojn dum kelke da minutoj. This page is only for reference, If you need detailed information, please check here
Read more

Tantalo (mitologio)

Image
Ĉi tiu artikolo temas pri mitologio. Por aliaj signifoj vidu la paĝon Tantalo (apartigilo) . Tantalo , laŭ Gioacchino Assereto. Laŭ la helena mitologio, Tantalo (el la greka Τάνταλος , ŝancelanta aŭ tre malfeliĉa ) estis filo de Zeŭso kaj la oceanidino Pluto, laŭ la plej divastigata versio. Li estis reĝo de Frigio [1] aŭ de la monto Sipilo, en Lidio (Malgrandazio) [2] kaj post sia morto li suferis eternan torturadon ĉe la Tartaro, la plej profunda parto de Hadeso, rezervita por la plej perversaj homoj. Tamen, kelkaj rakontoj asertas ke li estis reĝo de Argo aŭ de Korinto [3] , aŭ ke li migris norden el la monto Sipilo por akiri la tronon de Paflagonio, el kie Ilo forpelis lin pro tio, ke Tantalo forkaptis kaj seksperfortis lian fraton Ganimedon [4] , kaj tiel ofendis la diojn. Verŝajne li ankaŭ regis urbon en okcidenta Anatolio, kiun oni nomis Tantalis [5] pro li, aŭ Sipilo , pro la monto sur kies flanko ankoraŭ staras ĝiaj ruinaĵoj [6] . Laŭ la geografiisto Strabo,...
Read more

Prelog

Image
Prelog ankaŭ kroate, hungare Perlak estas urbo kaj samtempe municipo en Kroatio, en distrikto Medimurska . Preĝejo de Prelog Urbocentro de Prelog Areo:  km² Aŭtokodo: ČK Loĝantaro: 7800 Poŝtkodo: 40323 Telefonprefikso: Situo | Prelog situas inter Mura kaj Dravo sur mildaj deklivoj, kiuj defendis la urbon kontraŭ la proksima Dravo. Tra Dravo estas ponto, ĉefvojoj kondukas al Ĉakovec kaj Hungario. Historio | En 896 hungaraj triboj okupis la regionon kaj fondis ŝtaton en 1000. La unua mencio devenis el 1264 pri la komunumo. Post la mezepoko la regiono apartenis al historia familio Zrínyi kaj iĝis fronto inter turkoj kaj aŭstroj-hungaroj-kroatoj. En 1671 la Habsburgoj mortpunis Petron Zrínyi, la loĝantaro plejparte forfuĝis pro la supozota venĝo. En la 18-a jarcento prosperis kaj iĝis la plej granda regiona komunumo, superanta eĉ Ĉakovec. La urbo estis laŭvoje de saloliverado, silkouzino funkciis ĝis 1848, en 1761 baroka katolika preĝejo omaĝe al S...
Read more