Jerzy Fornal
Jerzy Fornal | |
|---|---|
 Zofia Banet-Fornalowa kaj Jerzy Fornal | |
| Personaj informoj | |
Naskiĝo | 30-an de oktobro 1926 (1926-10-30) |
Morto | 31-an de aŭgusto 2013 (2013-08-31) (86-jara) |
Ŝtataneco | Pollando |
Profesio | esperantisto |
Lingvoj | Esperanto |
| Familianoj | |
Edz(in)o | Zofia Banet-Fornalowa |
Jerzy Fornal en "Einstein - konfeso el Ŝeolo" 1990
Jerzy FORNAL (naskiĝis la 30-an de oktobro 1926, mortis la 31-an de aŭgusto 2013) estis pola esperantisto kaj aktoro. En la esperantista mondo danke al sia persisto, talento kaj apogo de la edzino Zofia Banet-Fornalowa li fariĝis tuta institucio, nome unuaktora teatro prezentinta sin en plimultaj eŭropaj kaj multaj ekstereŭropaj landoj.
Dum kelkaj jaroj li sukcese prezentis en Arkones ĉiam novan spektaklon kaj imponis per energia ĉeesto en aliaj programeroj. Jerzy Fornal gvidis la kurson pri aktora/sceneja movo kaj prezentis "Grabowski en Esperanto-poezio" en la 27-a Arkones kaj "Aniaro" en 18-a. Li ankaŭ aperis en la festivalo KAFE en Tuluzo en la jaro 2000 kie li prezentis "Aniaro".
En Varsovio oni ofte povis ĝui liajn Esperanto-spektaklojn en la Muzeo pri Azio kaj Pacifiko.
Jerzy Fornal laboris kiel aktoro de la Nacia Teatro en Varsovio, kaj debutis en la Esperanto-teatro en 1982. De tiam li prezentiĝis en naŭ tre variaj monologoj per kiuj li spegulis la sorton de la individuo en la socio:
Prikanti la homan sopiron, lirik-poeziaĵo bazita en la poezio de la pola poeto Zdzisław Łączkowski, tradukita de Kris Long
Virino kvar bildoj, ampoezio de Eduardas Mieżelaitis kaj diversaj poetoj tradukita de William Auld;
Aniaro, poezia-muzika spektaklo, tradukita, ankaŭ de William Auld, el sveda epopeo verkita de Harry Martinson.
Sopiro-laboro-espero, bazita je la poezio de L.L. Zamenhof
Einstein - konfeso el Ŝeolo, de Gunnar Gällmo
Wolfgangerl, de Gunnar Gällmo, dramo pri la vivo de Mozart
Tajdo de la vivo, bazita je la monologo Brando de Emilija Lapenna
Eduko danĝera kaj Vagabondo, ambaŭ de la angla verkisto Harold Brown.
La Granda Koncerto, laŭ scenario de Jerzy Fornal
Apologio de Sokrato, Platono
Polaj poetoj en Esperanto, en traduko de Antoni Grabowski, recitalo de Jerzy Fornal
Rimleteroj, de Marjorie Boulton kaj William Auld
La jubileo, de Zofia Banet Fornalowa kaj Harold Brown
El la "Verda Biblio", laŭ Izrael Lejzerowicz
La Arlekeno, de Janusz Korczak
Ĉiumonata rendevuo kun Teatro Espero en Varsovio |
De septembro 1998 ĝis junio 1999 (kaj ankaŭ en la jaroj 2001-2002) ĉiumonate je la unua lundo okazis prezento de la Teatro Espero en Varsovio, kies motoro estis la konata artisto Jerzy Fornal. La repertuaro proponis monologojn, plej ofte originale verkitaj en Esperanto. La 7-an de junio 1999 Jerzy Fornal prezentis specialan omaĝon al la 75a naskiĝjaro de William Auld kaj Marjorie Boulton, per la enscenigo de ilia kunverko Rimleteroj. La
spektakloj okazis ĉiam en la artgalerio Nusantara, str. Nowogrodzka 18, ekde
la 17h00. Unu horon pli frue Zofia Banet-Fornalowa gvidis konversacian rondon
pri la Esperanto-kulturo.
Eksteraj ligiloj |
- ESPERANTO - TEATRO "ESPERO" DE JERZY FORNAL
- JERZY FORNAL (ŝajne ne plu funkcias)
- Aniaro
- ARKONES
Vidu ankaŭ |
Pantomimo : filmo 'La vorta klaso'
