Aksumo
Steleo de reĝo Ezana en Aksumo
Aksumo (Axum) estas praa urbo en nordo de Etiopio kun ĉ. 40.000 loĝantoj, kiu estis iam centro de la Reĝlando de Aksumo. Ĝi estas nuntempe konata kiel turisma centro pro siaj artaĵoj.
Sur la centra placo de la urbo staras (aŭ kuŝas rompite) 126 grandegaj granitaj obeliskoj. Unu kolono el ili - kuŝanta nun — estis iam alta de 34 m, pezas pli ol 150 tunojn kaj estis la plej alta obelisko de la historio. Oni povas vidi glaptajn kaj ankaŭ orname skulptitajn kolonojn.
Aksuma preĝejo, kie estas adorita la kesto de interligo
Oni elfosis el sub la ruinoj de la praa palaco — kovrita per herbo — 27 skulptitajn ŝtontronojn. Laŭ tradicio, la preĝejo de Sankta Virdulino de Aion el la 17-a jarcento enhavas la originalajn leĝtabulojn de Moseo, kiujn kunportis al Etiopio Meneliko la 1-a, filo de reĝo Salomono kaj Reĝino de Ŝeba. En 1965, Haile Selasie la 1-a konstruigis novan preĝejon apud la malnova.
En la nuna urbo funkcias flughaveno, hospitalo, sancentro ktp..
Bibliografio |
- Franz Altheim, Ruth Stiehl: Geschichte des aksūmischen Reiches. In: Dies., Christentum am Roten Meer. Band 1. De Gruyter, Berlino 1971, S. 393-483, ISBN 3-11-003790-4.
- Heinzgerd Brakmann: Το παρα τοις βαρβαροις εργον θειον. Die Einwurzelung der Kirche im spätantiken Reich von Aksum. Borengässer, Bonn 1994, ISBN 3-923946-24-4.
- Stuart C. Munro-Hay: Aksum: An African Civilization of Late Antiquity. Edinburgo 1991.
- Stuart C. Munro-Hay: Excavations at Aksum. An account of research at the ancient Ethiopian capital directed in 1972-4 by the late Dr Neville Chittik. (Memoirs of the Britisch Institue in Eastern Africa. Number 10). Britisch Institue in Eastern Africa, Londono 1989, ISBN 0500970084.
Eksteraj ligiloj |
- La steleoj de Aksumo (angle)
- Historio de Etiopio (angle)
Vidu ankaŭ |
- Obelisko de Aksumo
