Universitato de Kalifornio en Santa Cruz
| Universitato de Kalifornio en Santa Cruz | |
|---|---|
 | |
| Informoj | |
| fondodato | 1965 |
| speco | ŝtata (unu el pluraj ŝtataj "universitatoj de Kalifornio") |
| jara budĝeto | 407 milionoj da usonaj dolaroj |
| Situo | |
| urbo | Santa Cruz, Kalifornio, Usono |
| Nombroj | |
| nombro de studentoj | 15.013 (stato de aŭtuno 2005) |
| nombro de kunlaborantoj | 4.279 (stato de 2003). |
| Diversaĵoj | |
| retejo | www.ucsc.edu |
La Universitato de Kalifornio en Santa Cruz – angle University of California, Santa Cruz (UCSC) – fondiĝis dum la jaro 1965 kaj apartenas al la "Universistato de Kalifornio", sistemo de ŝtataj universitatoj en la ŝtato Kalifornio de Usono. La universitato situas en pitoreska areo meze de granda pinarbaro, nordokcidente de la urbo Santa Cruz, kaj estas la plej grava ekonomia faktoro kaj plej granda labordonanto de la urbo. La universitato aparte konatas pro sia programo pri astrofiziko kaj marbiologio.
placo Quarry centre de la universitata tereno
Plue la universitato havas la renomon esti aparte liberala, kaj sekve aparte multaj studentoj de alternativaj vivoformoj troveblas tie. Kaj la prelegejoj, institutoj, manĝejoj kaj studentaj loĝejaroj troviĝas sur vasta areo de arbara parko kaj estas interligitaj per piediraj kaj biciklaj vojoj.
Dum la aŭtuna semestro de 2005 proksimume 15.013 studentoj estis registritaj en la universitato, kaj laŭ la stato de la jaro 2003 ekzistis 4.279 universitataj dungitoj. La edukejo dividatas en 10 kolegiojn, en kiuj ofertatas 90 diversaj specoj de studoj, el ili 30 postdiplomiĝaj studoj, en la fakoj arto, homsciencoj, sociscienco, biologio, fiziko kaj inĝenieraj sciencoj. La jara budĝeto de la universitato dum la jaro 2003 estis 407 milionoj da usonaj dolaroj.
delegacio de GEJ en la universitato de Kalifornio en Santa Cruz dum la jaro 1983 (antaŭe maldekstre Franz Kruse)
Organiza divido |
- kolegio Cowell (fondita dum 1965)
- kolegio Adlai E. Stevenson (fondita dum 1966)
- kolegio Crown (fondita dum 1967)
- kolegio Merrill (fondita dum 1968)
- kolegio Benjamin F. Porter (fondita dum 1969)
- kolegio Kresge (fondita dum 1971)
- kolegio Oakes (fondita dum 1972)
- kolegio 8 (fondita dum 1972)
- kolegio 9 (fondita dum 2000)
- kolegio 10 (fondita dum 2002)
Konataj kunlaborantoj kaj studintoj |
Ekzemplaj profesoroj de la universitato estas
Angela Davis – sociologino kaj verkistino, kaj
John Grinder – lingvisto kaj kunfondinto de la psikologia metodaro neŭro-lingvistika programado.
Inter la plej konataj studintoj de la universitato troviĝas
Richard Bandler – kunfondinto de la psikologia metodaro neŭro-lingvistika programado kaj
Marc Okrand, lingvisto kaj kreinto de la fikcia klingona lingvo.
Eksteraj ligiloj |
- oficiala retejo de la universitato (angla)
- oficiala germanlingva retejo
Koordinatoj: 36° 59' 58" norde, 122° 3' 45" okcidente
