Gfyuki

Edward Lear en 1887

La angla pentristo, ilustristo kaj verkisto Edward LEAR [lir] naskiĝis la 12-an de majo 1812 en Londono kaj mortis la 29-an de januaro 1888 en San Remo, Italio.

Liaj unuaj publikaĵoj estis pentraĵoj pri birdoj kaj ilustritaj vojaĝraportoj. Famon li tamen gajnis pro sia sensenca poezio. Sian unuan tiuspecan verkon A book of nonsense li origine kreis por la nepoj de sia dunganto. Ĝi estis riĉe ilustrita kaj entenis la plej ŝatatajn lirikaĵojn de Lear: limerikojn. Pluraj samspecaj verkoj sekvis, sed krom amuzon ili ankaŭ respegulis iusencan melankolion rezultantan el la depresioj je kiuj la aŭtoro suferis.

Famaj verkoj |

• Illustrations of the Family of the Psittacidae, or Parrots (1832)


• Illustrated excursions in Italy (1846)


• A book of nonsense (1846)


• Nonsense Songs, Stories, Botany and Alphabets (1871)


• More Nonsense, Pictures, Rhymes, Botany, etc. (1872)


• Laughable lyrics (1877)

En esperanto aperis |

• 
  La Strig' kaj la Kato—Trad. Pejno Simono.^[1]
  


• La Dongo, kies nazo lumemas. Lear, Edward (1812-1888). Trad. George Rust (?). , Trovloko: Skolta Mondo, 2, p. 207.


• La jumblioj. Lear, Edward (1812-1888). Trad. George Rust (?). , Trovloko: Skolta Mondo, 2, p. 206.

Referencoj |