Amlikon-Bissegg
| Amlikon-Bissegg | |
|---|---|
 | |
Blazono de Amlikon-Bisseg | |
 | |
Restoracio Ochsen en Amlikon | |
| Kantono | Turgovio |
| Distrikto | Weinfelden |
Koordinatoj | 47°34′0″N 9°3′0″O / 47.56667°N, 9.05°O / 47.56667; 9.05 (Amlikon-Bissegg)Koordinatoj: 47°34′0″N 9°3′0″O / 47.56667°N, 9.05°O / 47.56667; 9.05 (Amlikon-Bissegg) |
| Nombro de enloĝantoj | 1223 |
| Areo | 14,43 km² |
| Alteco | 422 m super marnivelo |
| Poŝtkodo | 8514 |
| Komunumkodo | 4881 |
 | |
Situa mapo de Amlikon-Bissegg | |
Enhavo
1 Pri la komunumo
2 Geografio
3 Najbaraj komunumoj
4 Trafiko
5 Historio
6 Notoj kaj referencoj
7 Eksteraj ligiloj
8 Bildoj
Pri la komunumo |
Amlikon-Bissegg estas komunumo en la distrikto Weinfelden de Kantono Turgovio, Svislando. Ĝi havis 1223 loĝantojn je la 31-a de decembro 2007.
Geografio |
Amlikon-Bissegg situas ĉe la suda bordo de la rivero Turo inter Weinfelden kaj Frauenfeld. La komunumo konsistas multnombraj malgrandaj vilaĝoj, nome Amlikon, Bänikon, Bissegg, Junkholz, Kreuz-Hub, Leutmerken, Fimmelsberg, Griesenberg, Hofe, Hünikon kaj Strohwilen.[1]
La teritorio de la komunumo etendiĝas sur areo de 14,43 km², de kiuj 20,34% estas kovritaj de arbaro, 68,9% servas por agrikulturo kaj 8,5% por setlado.
[2]
Najbaraj komunumoj |
La komunumo Amlikon-Bissegg limas en nordo al Müllheim, Wigoltingen kaj Märstetten, en oriento al Weinfelden kaj Bussnang, en sudo al Affeltrangen, kaj en okcidento al Thundorf kaj Hüttlingen.
Trafiko |
Amlikon-Bissegg atingeblas per poŝtaŭto ek de Frauenfeld kaj Weinfelden. La veturado de la vilaĝocentro de Amlikon al Weinfelden daŭras per la buso 7 minutojn kaj la aliro al la nacia aŭtoŝoseo A7 atingeblas ankaŭ en malpli ol 5 minutoj.
Ĉe la bordo de la rivero Turo en la norde de la kernvilaĝo troviĝas al glitaviadilo-aerodromo Amlikon (ICAO-kodo LSPA). Ĝi estas la hejmaerodromo de la glitaviadilklubo Segelfluggruppe Cumulus.
Historio |
La unua dokumenta mencio de Griesenberg datiĝas el la jaro 1256 kiel Griessinberc kaj de Amlikon el la jaro 1282 jam kiel Amlikon. Bissegg estis menciita la unuan fojon en la jaro 1324 kiel Bynssegge. Jam multe pli frue okazis la mencio de la al Bissegg apartenanta setlejo Hünikon, nome el la jaro 857 kiel Huninchova.
La hodiaŭa politika komunumo Amlikon-Bissegg estis kreita per la kunigo de la municipkomunumo Amlikon kun la antaŭaj lokkomunumoj Amlikon, Bissegg, Griesenberg kaj Strohwilen.
Notoj kaj referencoj |
↑ Fonto: [ Reta mapo 1:20000 de Swisstopo]
↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
Eksteraj ligiloj |
- Oficiala retejo de la komunumo Amlikon-Bissegg
- Retejo de la glitaviadilklubo Segelfluggruppe Cumulus
- Amlikon-Bissegg el la Historia Leksikono de Svislando
- Amlikon en la Historia Leksikono de Svislando
- Bissegg en la Historia Leksikono de Svislando
- Griesenberg en la Historia Leksikono de Svislando
- Vidu ankaŭ en la Vikimedia Komunejo la kategorion Amlikon-Bissegg – (Kolekto de bildoj kaj plurmediaj dosieroj)
Bildoj |
Vilaĝeniro de Amlikon ĉe la Turponto
Kamparana domo Klösterli 1 en Amlikon
Kampara domo Klösterli 3 en Amlikon
Malnova lernejo en Amlikon
Faktrabdomo Carl-Haselbach-Strato 1
Kreuz-Hub, komunumo Amlikon-Bissegg
Leutmerken
Hünikon
| ||||||
