Spiringen
| Spiringen | |
|---|---|
 Blazono de Spiringen | |
 Spiringen | |
| Kantono | Urio |
| Distrikto | En Kantono Urio ne ekzistas distriktoj |
Koordinatoj | 46°52′24″N 8°43′44″O / 46.87333°N, 8.72889°O / 46.87333; 8.72889 (Spiringen)Koordinatoj: 46°52′24″N 8°43′44″O / 46.87333°N, 8.72889°O / 46.87333; 8.72889 (Spiringen) |
| Nombro de enloĝantoj | 903 |
| Areo | 64,76 km² |
| Alteco | 923 m super marnivelo |
| Poŝtkodo | 6464 Spiringen 8751 Urnerboden |
| Komunumkodo | {{{kodo}}} |
 Mapo de Spiringen | |
Enhavo
1 Pri la komunumo
2 Geografio
3 Trafiko
4 Historio
5 La legendo pri Urnerboden
6 Eksteraj ligiloj
Pri la komunumo |
Spiringen estas komunumo en Kantono Urio, en Centra Svislando. Ĝi havis 903 loĝantojn je la 31-a de decembro 2008.
Geografio |
Spiringen situas en la valo de la rivero Schächen, kiu komenciĝas okcidente de Klausen-Pasejo. Al la komunumo ankaŭ apartenas la eksklavo Urnerboden sur la glarusa flanko de Klausen-Pasejo, kiu vintre, dum la pasejo estas fermita, estas komplete tranĉita de Kantono Urio. De Urnerboden aertelfero kondukas al Fisetengrat.
Trafiko |
Spiringen situas ĉe la kantona ĉefvojo n-ro 17 de Aldorf tra Klausen-Pasejo al Glaruso, kiu tamen nur somere estas komplete pasebla. La komunumo estas konektita al la publika transportreto per poŝtaŭto. Ĉar dum la longa vintro la Klausen-Pasejo estas fermita, la eksklavo Urnerboden dum pli ol la duono de la jaro atingeblas nur ek de Kantono Glaruso.
Historio |
Dokumento de 1290 raportas pri la konstruo de la preĝejo en Spiringen. En la jaro 1315 la limo inter Urio kaj Glaruso estis definitive fiksita kaj decidita, ke Urnerboden apertenas al Urio. En la jaro 1877 la Federacia Konsilio de Svislando decidis, ke la setlejo Urnerboden povas esti loĝata la tutan jaron.
La legendo pri Urnerboden |
Laŭ legendo el mezepoko inter Glaruso kaj Urio ekzistis disputo, kie estu la limo inter la du ŝtatoj. Finfine la glarusanoj kaj urianoj interkonsentis, ke ili faros kurkonkurson. Ambaŭ elektis sian plej bonan kuriston kaj interkonsentis, ke ili ekkuro matene, kiam la virkoko krias al Klausen-Pasejo, kaj kie ili renkontiĝos, tie estu la limo. La urianoj malbone nutris sian virkokon, kaj tial ĝi frue leviĝis kaj krie vekis la urian kuriston. La glarusanoj siaflanke pensis, ke ilia virkoko laborus pli bone, kiam ĝi bone manĝis. Sed ve, la sata virkoko bone dormis ĝis tagmeze, kaj la uria kuristo jam aperis en la glarusa valofundo. La glarusanoj nun veiis, ĉar ili perdintus laŭ la veto praktike sian tutan teritorion. Tiam la uria kuristo diris: Do bone, mi donas al vi ŝancon. Via kuristo portu min sur sia dorso, kaj ĝis tien, kien li sukcesas kuri kun mi, mi cedas al vi la limon. La glarusa kuristo do levis la urianon kaj sukcesis kun li sur la dorso akiri ĝis antaŭ Urnerboden. Tial la limo estis tiel fiksita, ke Urnerboden, kvankam situanta sur glarusa flanko de la pasejo, apartenas al Kantono Urio.
Eksteraj ligiloj |
- Oficiala retejo de la komunumo Spiringen
- Retejo de la turisma oficejo de Urnerboden
- Vikifontaro|}}
- La vikipedia komunejo
Komunejo proponas multimediajn dosierojn al temo sub la gloso Spiringen
| ||||||
