Gfyuki

; Tokyo Metro;
	; ;
Ĝeneralaj informoj;
Transportsistema speco;	; Metroo;
Komenco de trafiko;	1927 (kiel "Tokyo Metro" — ekde 2004);
Teknikaj informoj;
Longeco de sistemo;	203,4 km;
Nombro de linioj;	9;
Nombro de stacioj;	168;
Aliaj informoj;
Pasaĝeroj tage;	6,3 milionoj tage (2010);
; Traklarĝo;	1435 mm ; (linioj Ginza kaj Marunouchi),; 1067 mm ; (ceteraj linioj);
Transportisto;	; Tokyo Metro Co., Ltd.;
; ; v • d • r; ;	; ;

Ne konfuzu ĉi tiun artikolon kun Metroo de Tokio (東京の地下鉄 [Tōkjō no ĉikatecu]), konsistanta el 2 metroaj sistemoj: "Tokyo Metro" kaj "Toej"

Tokyo Metro (japane: 東京メトロ [Tōkjō Metoro], laŭvorte: Tokia Metroo) estas metroa sistemo en la urbo Tokio. Ĝi estas unu el du sistemoj (kun Toej), el kiuj konsistas Metroo de Tokio. La sistemo "Tokyo Metro" estas la plej intense uzata metroa sistemo en la tuta mondo laŭ la jara trafiko de pasaĝeroj.

Enhavo

1 Organizaĵo

2 Historio

3 Pag-sistemo

4 Linioj

5 Vidu ankaŭ

6 Eksteraj ligiloj

Organizaĵo |

La metroa sistemo "Tokyo Metro" estas administrata de la kompanio Tokyo Metro Co., Ltd. (東京地下鉄株式会社 [Tōkjō ĉikatecu kabuŝiki gaiŝa]). Tio estas privata kompanio, kontrolata de la japana registaro kaj de la Tokia urba registaro.

Historio |

Pli detalaj informoj troveblas en la artikolo Metroo de Tokio (en la sekcio "Historio").

Ĝis la jaro la Metroo de Tokio estis administrata de la kompanio Teito Rapid Transit Authority (帝都高速度交通営団 [Teito kōsokudo kōcū eidan]), konata ankaŭ kiel "Ejdan" (営団 [Eidan]) aŭ TRTA. Tamen la 1-an de aprilo 2004 granda parto la Metroo de Tokio estis privatigata. La privatigita parto ricevis nomon Tokyo Metro Co., Ltd.. La restinta parto estas dua metroa sistemo Toej, administrta de Tokyo Metropolitan Bureau of Transportation (東京都交通局 [Tōkjōto kōcū kjoku]).

Pag-sistemo |

La prezo por vojaĝo per fervojaj retoj, aparte en Tokyo Metro, dependas de distanco inter stacioj de eniro kaj eliro de pasaĝero. Depende de tiu distanco la vojaĝprezo en Tokyo Metro povas esti 160, 190, 230, 270 aŭ 300 enoj (prezoj en januaro 2013). La prezo por infanoj, lernantaj en lernejo, estas duono de la ordinara prezo. Infanoj, kiuj ankoraŭ ne lernas en lernejo, rajtas vojaĝi senpage (akompaninte de plenkreskulo). La kosto, pagita al "Tokyo Metro", validas nur por uzi ĝiajn liniojn. Por vojaĝi per aliaj fervojaj linioj (eĉ per linioj de Toej) oni devas pagi aparte.

Pasaĝero povas pagi per du manieroj:

Aĉeti bileton en vendmaŝino ĉe la stacio. Super tiuj maŝinoj troviĝas mapo kaj listo de stacioj (en la japana kaj en la angla) kun respondaj prezoj ĝis ili. La bileto enhavas la sekvan informon: numeron de bileto, daton de vendo, stacio de vendo, prezo por plenkreskulo kaj por infano; la porinfanaj biletoj estas distingebla de ordinaraj (porplenkreskulaj) biletoj per la signo "小" en rondo.

Uzi karton "PASMO" aŭ "Suica". Kiam pasaĝero almetas tian karton enirante la metroon la sistemo memoras la stacion de eniro. Dum almeto de la karto ĉe eliro la sistemo determinas prezon kaj subtrahas ĝin el la monsumo, estanta sur la karto. Oni povas meti monon sur la karton, uzante la biletan vendmaŝinon ekster elirejo aŭ similan maŝinon antaŭ elirejo.

Estas ankaŭ kelkaj specialaj tipoj de biletoj por specialcela uzo.

Linioj |

La sistemo "Tokyo Metro" enhavas 9 liniojn plus unu branĉon (de la linio Marunouchi). Krom nomon kaj numeron, ĉiu linio havas proprajn simbolajn koloron kaj latinalfabetan literon. Ĉar la Metroo de Tokio iam estis unueca metroa sistemo, la numeroj de la linioj estas miksitaj (laŭ sia ordo) kun numeroj de linioj de la sistemo Toej. En la sekva tabelo la linioj estas ordigitaj laŭ dato de malfermo.

Koloro	N-ro	Nomo de linio	japane	japana prononco	Finstacio	Finstacio	Nombro de stacioj	Longeco	Malfermo	Ŝpuro	Elektra provizo
oranĝa	3	Ginza	銀座線	[Ginza-sen]	Ŝibuja	Asakusa	19	14,3 km	1927	1435 mm	600 voltoj, KK, kontaktrelo
ruĝa	4	Marunouchi	丸ノ内線	[Marunouĉi-sen]	Ogikubo	Ikebukuro	28	24,2 km	1954
ruĝa	4	Marunouchi (branĉa)	丸ノ内線分岐線	[Maranouĉi-sen bunkisen]	(Nakano-Sakaŭe)	Honanĉo	4	3,2 km	1962
arĝenta	2	Hibiya	日比谷線	[Hibija-sen]	Naka-Meguro	Kita-Senĝu	21	20,3 km	1961	1067 mm	1500 voltoj, KK, supertraka kontakta lineo
blueta	5	Tozaj	東西線	[Tōzai-sen]	Nakano	Niŝi-Funabaŝi	23	30,8 km	1964
verda	9	Chiyoda	千代田線	[Ĉijoda-sen]	Jojogi-Uehara	Kita-Ajase	20	24,0 km	1969
flava	8	Yūrakuchō	有楽町線	[Jūrakuĉō-sen]	Ŭakoŝi	Ŝin-Kiba	24	28,3 km	1974
purpura	11	Hanzōmon	半蔵門線	[Hanzōmon-sen]	Ŝibuja	Oŝiage	14	16,8 km	1978
akva	7	Namboku	南北線	[Nanboku-sen]	Meguro	Akabane-Iŭabuĉi	19	21,3 km	1991
bruna	13	Fukutoŝin	副都心線	[Fukutoŝin-sen]	Ŭakoŝi	Ŝibuja	16	20,2 km	2008