Kembriĝo (Masaĉuseco)
 | La titolo havas ankaŭ aliajn signifojn, por vidi ilin bonvolu rigardi la apartigilan paĝon: Kembriĝo |
Kembriĝo [kejmbreĝ] (angle: Cambridge, esperantigo: Kembriĝo) estas urbo en
Masaĉuseco, Usono, apartigita de Bostono per la Rivero Charles. En 2000, loĝis 101.355 homoj en Kembriĝo. Kiel Kembriĝo (Britio), ĝi estas universitata urbo. Ĝi estas la hejmo de Harvard kaj MIT, inter aliaj.
Kembriĝo estis fondita de elmigrintoj kiuj eliris Brition en 1630. Ĝi havis la nomon Newtowne ("nova urbo") ĝis 1638 kiam la nomo iĝis Kembriĝo. En 1846 ĝi iĝis urbo, kuniginte tri vilaĝojn: Malnova Kembriĝo, «Cambridgeport,» kaj Orienta Kembriĝo.
Hodiaŭ, Kembriĝo estas la hejmo de kulture diversa loĝantaro. Pli ol 50lingvoj aŭdiĝas dur la strato de la urbo, inkluzive la hispana, la kreola, la portugala, la ĉina, la amhara, kaj la korea. Infanoj el 82 malsamaj landoj ĉeestas la publikajn lernejojn. Studentoj el la tuta mondo studas ĉe Universitato Harvard, Universitato Radcliffe, la Masaĉuseca Instituto de teknologio, kaj Kolegio Leslie. La pezajn industriojn de la 19-a kaj frua 20-a jarcentoj anstataŭiĝis la entreprenoj teknologie bazitaj, inkluzive de elektroniko, la mem-rivelantaj filmoj kaj fotiloj de la firmao Polaroid, softvaro, kaj bioteknologia esplorado.
La ŝtato Masaĉuseco estas politike interesa loko nuntempe. Estas du signifaj politikaj partioj en Usono kaj oni malofte aŭdas pri aliaj. Sed en Kembriĝo, en la voĉdonado por prezidento de Usono en 2000, la kandidato por la Verda Partio de Usono gajnis la duan lokon, kaj George W. Bush (kiu fine gajnis la postenon) estis la tria laŭ kvanto de voĉdonoj.
Enhavo
1 Vidindaĵoj
2 Servoj
3 Famuloj
4 Ĝemelaj urboj
5 Vidu ankaŭ
6 Bildaro
Vidindaĵoj |
Servoj |
La sidejo de la Akademio, Kembriĝo (Masaĉuseco).
La Usona Akademio de Artoj kaj Sciencoj estas ĉefsidejita en Kembriĝo.
Famuloj |
En Kembriĝo mortis hungardevena fizikisto László Tisza.
Ĝemelaj urboj |
Inter la ĝemelaj urboj de Kembriĝo estas Coimbra, Portugalio; Gaeta, Italio; Galway, Irlando; San Jose Las Flores, Salvadoro; Cukubo, Japanio; kaj Jerevano, Armenio.
Vidu ankaŭ |
- Muzeo de Kompara Zoologio
- La TTT-ejo de Kembriĝo en la angla https://www.cambridgema.gov/
