Kasiopeo (konstelacio)
| Kasiopeo | |
|---|---|
 | |
Latina nomo | Cassiopeia (genitiva Cassiopeiae) |
| Mallongigo | Cas |
| Imagata bildo | |
| Observaj datumoj (Epoko 1875.0) | |
Rektascensio | 22h 52m 0s ... 3h 25m 0s |
Deklinacio | 46° 0' 0" ... 77° 0' 0" |
Areo | 598 kvadrataj gradoj |
Rango laŭ la areo | 25 |
| Najbaraj konstelacioj | Ĝirafo, Cefeo, Lacerto, Andromedo, Perseo |
| Enhavo | |
| Kvanto de steloj de videbla magnitudo < 3 | 4 |
Videbla magnitudo de la plej hela stelo | 2,23 |
| Videbleco | |
Latitudoj de almenaŭ parta videbleco | -44° ... 90° |
Latitudoj de plena videbleco | -13° ... 90° |
| Tempo de jaro de la plej bona videbleco | Novembro |
| Historio | |
| Unua priskribo | Ptolemeo |
| Jaro de unua priskribo | |
| Verko, en kiu ĝi estis priskribita | |
| Postaj ŝanĝoj | |
Kasiopeo estas konstelacio de la tera ĉielo. En la noktoj de l'norda duonglobo, ĝi estas la plej facile rekonebla, ĉiam proksime de la norda zenito, kun sia aparta W-formo.
Kasiopeo havas formon de granda M aŭ W laŭ la rondirado de la konstelacioj ĉirkaŭ la Polusa Stelo.
Steloj |
La stelo alfa de la konstelacio Kasiopeo nomiĝas Schedar, ĝi estas la plej brila. Tiu araba vorto signifas «brusto». La stelo Schedar estas 42-oble pli granda ol nia suno.
Mitologio |
Kasiopeo sur kupra plato, Johann Bayer, Uranometria, 1661.
Laŭ lokaj tradicioj Kasiopeo figuras tronon aŭ kuŝantan kamelon.
Laŭ la helena mitologio Kasiopeo estis tre bela virino. Ŝi edziniĝis kun Cefeo kaj tiel fariĝis reĝino de la antikva Etiopujo. Iam ŝi fanfaronis pri sia beleco. Ŝi certigis ke ŝi estis pli bela ol la Nereidinoj. Ĉi tiuj estis la kvindek filinoj de la maljuna Nereo, kiu zorgis pri la pereintaj maristoj. La Nereidinoj akompanadis la dion de la maro, Pozidono. Kompreneble tia temereco malplaĉis al li. Li dronigis Etiopujon kaj sendis maran monstron por mortigi ĝiajn loĝantojn. Cefeo petis helpon de orakolo, ke li parolu en la nomo de la dioj. La orakolo konsilis al li oferi sian filinon Andromeda al la monstro. Pro tio ŝi estis katenigita al rifo en la maro. Sed tute neatendite, alflugis Perseo.
Li ĵus senkapigis la Meduzon en norda lando. La Meduzo estis monstro, kiu havis serpentojn anstataŭ harojn. Kaj nun la kapon de la monstro li portis en sia sako. Li estis rajdanta la flugilhavan Pegazon survojen de sia insulo en la Egea Maro, kiam li ekvidis etulon solan sur rifo. Li malsupreniris kaj vidis tiun belulinon sube, alkroĉigitan. Subite, li sentis sin enamiĝi en ŝin. Rapide, Perseo surmetis sian kaskon, kiu nevidebligis lin, metis al la piedoj la flugilhavajn sandalojn kaj per sia serpo, mortigis la beston.
Kasiopeo nun tronas en la tera ĉielo inter Cefeo kaj Perseo, proksime de Andromedo kaj Pegazo.
Vidu ankaŭ |
Kasiopeo malkovriĝas en la nokta ĉielo.
