Distrikto Teltow-Fläming
| blazono | mapo |
|---|---|
 |  |
| Bazaj datumoj | |
Federacia lando: | Brandenburgio |
| Administra urbo: | Luckenwalde |
| Areo: | 2 092 km² |
| Loĝantoj: | 163 553 (fine de decembro 2015) |
Loĝdenso: | 76 po km² |
Aŭtokodo: | TF |
Municipokodo: | 12072 |
| Komunumoj: | 16 |
| Situo ene de Brandenburgio | |
 | |
La distrikto Teltow-Fläming (germane: Landkreis) situas en la sudo de la federacia lando Brandenburgio de Germanio. Sian nomon ĝi havas de la urbo Teltow en la nordo de la distrikto, kiu estas la plej granda loĝloko de la teritorio, kaj de la sabla altejo kaj historia regiono Fläming, al kiu apartenas la suda parto de la distrikto. La urbo Luckenwalde estas la administra centro de la distrikto. Sur ties areo de 2 092,03 kvadrataj kilometroj fine de decembro 2015 loĝis 163 553 homoj; do meznombre 76 sur unu kvadrata kilometro. En tuta Brandenburgio la koncerna nombro estas 87, en Germanio 231. La nuna distrikto ekestis en decembro 1993, kiam kuniĝis la ĝistiamaj distriktoj Jüterbog, Luckenwalde kaj Zossen. En la sekva skema mapo la distrikto Teltow-Fläming estas signita per 13.
Najbaraj distriktoj estas oriente Dahme-Spreewald (2), sude Elbe-Elster (3), okcidente Potsdam-Mittelmark (10) kaj la saksa distrikto Wittenberg. Norde limas Berlino.
Enhavo
1 Urbaj kaj neurbaj komunumoj
2 Partneraj rilatoj
3 Eksteraj ligiloj
4 Referencoj
Urbaj kaj neurbaj komunumoj |
Post administra reformo de la jaro 2003, kiu reduktis la nombron de memstaraj komunumoj, la distrikto ankoraŭ konsistas el 16 komunumoj, el ili 7 kun urbaj rajtoj.
(inter krampoj la nombro de loĝantoj fine de decembro 2015)[1]
Urboj
¹ urbo kun membreco en komunumaro
Baruth (Mark) (4 146)
Dahme (Mark) ¹ (5 073)
Jüterbog (12 314)
Luckenwalde (20 358)
Ludwigsfelde (25 030)
Trebbin (9 394)
Zossen (17 905)
Neurbaj komunumoj sen membreco en komunumaro
Am Mellensee (6 628)
Blankenfelde-Mahlow (26 319)
Großbeeren (8 398)
Niederer Fläming (3 160)
Niedergörsdorf (6 084)
Nuthe-Urstromtal (6 703)
Rangsdorf (10 848)
Komunumaro kaj membraj komunumoj
- Dahme (Mark) (6 266)
Dahme (Mark), urbo (5 073)
Dahmetal (488)
Ihlow (705)
Partneraj rilatoj |
La distrikto havas partnerajn rilatojn kun la urbodistrikto Tempelhof-Schöneberg de Berlino.
Eksteraj ligiloj |
- oficialaj retpaĝoj de la distrikto, germanlingvaj
Referencoj |
↑ fonto: landa statistika oficejo, germane
| ||||||
| ||||||
