Gfyuki

Matthias Claudius
Matthias Claudius
Persona informo
Naskiĝo	15-an de aŭgusto 1740 en Reinfeld, Holstinio
Morto	21-an de januaro 1815 en Hamburgo
Religio	luteranismo [#]
Lingvoj	germana lingvo [#]
Ŝtataneco	germano
Alma mater	Friedrich-Schiller-Universitato Jena [#]
Familio
Idoj	Friedrich Matthias Jacobus Claudius [#]
Profesio
Pseŭdonimo	Asmus
Profesio	verkisto
[#]	Fonto: Vikidatumoj
v • d • r

Matthias CLAUDIUS [matias klaŭdjus] (naskiĝis la 15-an de aŭgusto 1740, mortis la 21-an de januaro 1815) estis germana verkisto.

Kiel filo de pastro li naskiĝis en Reinfeld (Holstinio). En Jena li ekde 1759 studis teologion, juron kaj politikajn sciencojn, sed sen diplomo li en la jaro 1763 revenis al sia hejmurbo. Samjare li publikigis sian unuan verkon: Tändeleyen und Erzählungen.

Dum la sekvaj jaroj li vivtenis sin ekz. kiel ĵurnalisto, tradukisto kaj sekretario. Ekde 1771 li kunredaktis kaj eldonis la ĵurnalon Der Wandsbecker Bothe, al kiu kontribuis famuloj kiel ekz. Friedrich Gottlieb Klopstock kaj Gotthold Ephraim Lessing. Pro manko de mono la ĵurnalo ĉesis aperi en 1775.

Post tio, uzante la pseŭdonimon Asmus, Matthias Claudius ekde 1775 publikigis sian kolekton de poezio kaj prozo Asmus omnia sua secum portans oder Sämmtliche Werke des Wandsbecker Bothen. Ekde 1777 li okupis la postenon de bank-revizoro, kiu ebligis al li kaj lia familio vivon sen financaj zorgoj. Li mortis en 1815 en Hamburgo.

Listo de verkoj |

• 
  Tändeleyen und Erzählungen (1763)


• 
  Asmus omnia sua secum portans oder Sämmtliche Werke des Wandsbecker Bothen (1775-1781)


• Der Tod und das Mädchen

En Esperanto aperis |

Homo ; Milita kanto ; La morto ; Vespera kanto / trad. Guido Holz. - En : Übertragungen = Transkondukoj. - Messkirch : Gmeiner, 1988. - p. 21-25

Eksteraj ligiloj |

• http://dispatch.opac.d-nb.de/DB=4.1/REL?PPN=118521098


• http://gutenberg.spiegel.de/claudius/wandsbek/wandsbek.htm


• http://gutenberg.spiegel.de/claudius/gedichte/mensch.htm


• http://gutenberg.spiegel.de/claudius/gedichte/christia.htm