Regiono Ŝarkija
situo de la emirlando
La regiono Ŝarkija aŭ kun difinita gramatika artikolo aŝ-Ŝarkija (arabe الشرقية, laŭvorte "la orienta", ofte nomata simple "orienta provinco") estas unu el la 13 administraj regionoj (arabe manatik idarija, singulare mintaka idarija) kiuj sume konsistigas la teritorion de Sauda Arabio. Ĝi situas en la pleja oriento de la lando kaj inkluzivas la kompletan saud-araban bordon de la Persa Golfo. Krome la regiono ankaŭ havas limojn al la najbaraj ŝtatoj Kuvajto, Barejno, Kataro, Unuiĝintaj Arabaj Emirlandoj, Omano kaj Jemeno.
La plej granda urbo de la regiono estas la ĉefurbo Dammam; aliaj gravaj urboj estas Ĥubar, Hafar-el-Batin, Dahran, Mubaraz kaj Katif. La regiona areo ampleksas 672 522 kvadratajn kilometrojn. Laŭ la censo de septembro 2004, en ĝi vivis 3 360 157 loĝantoj. La loĝdenso sekve estas po 5,0 loĝantoj laŭ kvadrata kilometro.
La regiona teritorio dividiĝas en 11 guberniojn (arabe plurale محافظات, muhafazat, singulare muhafaza). Tiu nombro ankaŭ inkluzivas la regionan ĉefurbon Dammam, kiu havas apartan statuson kiel memadministrata urbo (amana) kaj estas regata de urbestro (amin). La emirlandaj gubernioj pludividatas en po plurajn subguberniojn (marakiz, singulare markaz).
Bahao |
Norda Landlimo |
Ĝaŭfo |
Medino |
Kasimo |
Riado |
Ŝarkija (Orienta) |
Asiro |
Hailo |
Ĝajzano |
Mekko |
Naĵrano |
Tabuko
