Büren zum Hof
| Büren zum Hof | |
|---|---|
 | |
Blazono de Desiswil ĉe Münchenbuchsee | |
| Kantono | Berno |
| Administra distrikto | Berno-Mezlando |
| Malnova distrikto ĝis 2009 | Fraubrunnen |
Koordinatoj | 47°5′45″N 7°30′49″O / 47.09583°N, 7.51361°O / 47.09583; 7.51361 (Büren zum Hof)Koordinatoj: 47°5′45″N 7°30′49″O / 47.09583°N, 7.51361°O / 47.09583; 7.51361 (Büren zum Hof) |
| Nombro de enloĝantoj | 474 |
| Areo | 3,42 km² |
| Alteco | 510 m super marnivelo |
| Poŝtkodo | 3313 |
| Komunumkodo | 0534 |
 | |
Mapo de Büren zum Hof | |
Enhavo
1 Pri la komunumo
2 Geografio
3 Najbaraj komunumoj
4 Trafiko
5 Historio
6 Vidu ankaŭ
7 Notoj kaj referencoj
8 Eksteraj ligiloj
Pri la komunumo |
Büren zum Hof estis ĝis la 31-a de decembro 2009 komunumo de la distrikto Fraubrunnen kaj ek de la 1-a de januaro 2010 komunumo de la administra distrikto Berno-Mezlando en Kantono Berno, Svislando. Ĝi havis 474 loĝantojn je la 31-a de decembro 2009.
Geografio |
Büren zum Hof situas en la Svisa Mezlando sur la nordorienta flanko de la altebenaĵo de Rapperswil, proksimume 14 kilometrojn sude de la urbo Soloturno kaj 20 kilometrojn nordnordoriente de la federacia urbo Berno. La komunumo konsistas el la vilaĝo Büren kaj la setlejoj Chapf kaj Speichüsli.
[1]
La teritorio de la komunumo etendiĝas sur areo de 3,42 km², de kiuj 18,6% estas kovritaj de arbaro, 72,8% servas por agrikulturo kaj 8,7% por setlado.
[2]
Najbaraj komunumoj |
La komunumo Büren zum Hof limas en nordo al Limpach, en nordnordoriento al Schalunen, en oriento kaj sudo al Fraubrunnen, en sudokcidento al Etzelkofen, kaj en okcidento al Mülchi.
Trafiko |
Büren zum Hof situas flanke de la gravaj aŭtomobilaj vojoj. La kantona ĉefvojo de Fraubrunnen al Soloturno pasas laŭlonge de la orienta limo de la komunumo. Tra la komunumo mem pasas la konekta kantona vojo 1345de Fraubrunnen al Limpach. La komunumo disponas pri stacidomo ĉe la etspura trama fervolinio de Soloturno al Zollikofen kaj Berno, per kiu ĝi estas bone konektita al la publika transportreto. En la noktoj de vendredo al sabato kaj sabato al dimanĉo trafikas krome nokta buso al Berno.
Historio |
La unua dokumenta mencio de Büren zum Hof datiĝas el la jaro 1249 kiel Burron. Dum mezepoko bienposedantoj en Büren zum Hof estis la kavaliroj de Schüpfen kaj la Monaĥejo Fraubrunnen. La malatan jurisdikcion prezidis la protektovoktoj de la Abatejo Fraubrunnen kaj ek de la jaro 1406 de la urbo Berno. Post la reformacio de 1528 kaj la mondigo de la monaĥejo Büren zum Hof fariĝis parto de la Voktejo Fraubrunnen. Dum la tempo de la Helveta Revolucio de 1798 ĝis 1803 ĝi apartenis al la helveta distrikto Zollikofen kaj ek de 1803 al la distrikto Fraubrunnen. La distrikto Fraubrunnen fine de 2009 estis malfondita, kaj Büren zum Hof atribuita al la nova administra distrikto Berno-Mezlando.[3]
Vidu ankaŭ |
- Aliaj signifoj de Büren
Notoj kaj referencoj |
↑ Fonto: Mapo 1:20'000 de Swisstopo
↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
↑ Fonto: Anne-Marie Dubler: Büren zum Hof en Historia Leksikono de Svislando (2005-02-16)
Eksteraj ligiloj |
- zum Hof.ch Oficiala retejo de la komunumo Büren zum Hof
- Vidu ankaŭ en la Vikimedia Komunejo la kategorion Büren zum Hof – (Kolekto de bildoj kaj plurmediaj dosieroj)
| ||||||
| ||||||
